岩盤牛扒 ミディアムレア ステーキ (博文街) (已結業)

成日經過見到啲石燒肉店都覺得好吸引。前排終於去左食了🥰🥰 呢度簡直係食肉獸嘅天堂。 佢有六種肉，肉眼，牛板腱，後腰三角肉，西冷，等等。肉眼最平，後腰三角肉最貴。二人行，我揀左肉眼加後腰三角肉。肉眼好juicy好嫩，冇咩根。後腰三角肉就少啲脂肪，但肉味好好食。 佢加埋塊鐵板一齊上，鐵板超熱，其實有啲似細過去大家樂食鐵板餐甘。當然佢嘅肉靚好多啦！汁嚟講，佢有三種汁，黑椒味，洋蔥味等等。 一淋啲汁落個鐵板度，咋一聲，睇住塊肉由生變熟，好鬼正！套餐嚟講，佢仲有飯同湯再加飲品，真心抵，難怪甘多人去呢類型嘅舖頭食。舖頭伙計好友善。餐廳入面有好多位，四四正正。唔會好迫，私人度都高。座位幾乾淨，唔會油林林。 抽風系統都幾好，食完都唔會勁大陣味！