神石燒牛扒水產專門店 (如心廣場二期) (已結業)

一大班人喺荃灣如心廣場食燒烤，呢個晚餐放題有75分鐘時間可以任食。當中有🥩澳洲M7黑毛和牛，係成個套餐裏面最正嘅。大大塊肉口多汁，入口即化冇乜根。除咗呢塊咁正嘅牛扒之外，仲有好推介嘅仲有西班牙極豚肉🐷，美國天然無激素雞扒🐓，美國CAB 黑安格斯牛肩胛扒🐂和澳洲穀飼100日牛扒🐮，全部都非常正！呢個西班牙的豚肉，味道甘香，肉質鬆化，肉味夠晒鮮甜，唔會有豬嘅膻味，係非常正嘅西班牙豬。呢個雞扒無激素，非常安心食用。雞肉又滑又鮮甜，雞味十足，而且冇乜脂肪，連雞皮都可以燒脆嚟食。黑安格斯肩胛扒肉質厚實，脂肪比例少牛味濃郁，一路燒牛肉汁一路流出嚟，好味道到震！呢個澳洲穀飼 100日牛扒🥩果然係唔同啲，牛得100日大，肉質又淋又鮮嫩。而且仲係有穀飼養殖，牛肉味道零舍鮮甜。其他仲有壽喜燒汁牛五花，壽喜燒汁豚五花，壽喜燒汁牛舌 ，黑安格斯漢堡排等等，全部都係任食。好正的放題！