薩莉亞意式餐廳 (平田商場) (已結業)

今日放工我想食肉醬飯， 以前屋企樓下連鎖快餐一定有一個免治牛肉飯🍛，但係唔知點解？而家就冇得食 ,搵咗幾間舖都冇免治牛肉飯。終於畀我搵到一間有，又話賣曬 😭。最後忽然諗起薩莉亞嘅肉醬多利亞，佢跟本就係同免治牛肉飯差唔多嘅嘢😍。我去到已經好晏都冇乜人食 一坐低就叫咗肉醬多利亞加多一個 周打海鮮湯🥣。 食開嘅肉醬多利亞，因為好多汁，睇落就好似一碗湯咁 ，但呢間第一次食 ，唔算好多汁 都仲睇到係飯黎， 但係可能因為咁，撈勻之後都覺得比較乾。或者真係唔夠汁，比平時屋企樓下食開果間係轉少。而周打海鮮湯 係我女最鍾意飲嘅西湯 ，黎親薩莉亞 ，一定要叫一碗飲 ，佢個湯非常足料又好味。今次可以自己飲曬成碗，正😋