牛一 (元朗廣場) (已結業)

閒日去食唔洗等位，環境寬敞舒適，兩個人好彩有卡位坐，非常闊落，冷氣夠唔會焗，同其他枱有一段距離。叫左安格斯牛餐，會員$188加一，都係個半鐘，所以都係會有啲趕，湯底叫咗壽喜燒，會跟兩隻日本雞蛋，我通常都係會拎走😂坐低1分鐘之內店員就會先拎幾碟牛豬雞肉過黎，等你慳返啲時間醬料種類多，有少見啲嘅黑蒜油，芝麻醬。三款肉類嘅質素都唔錯，新鮮爽滑。個人覺得豚肉配壽喜燒嗰種甜真係好正👍🏻牛一應該都係我食過打邊爐入面點餐黎得最齊最快嘅一間，基本上叫完之後幾分鐘一定會到，唔會漏單，所以唔好好似食其他打邊爐咁樣叫20碟肥牛，因為佢真係會黎20碟，我見過，我真係見過。同埋佢就算叫到第二三輪，肉類嘅質素都唔會差太遠。配料來講就真係好少，少量丸，魚皮，豆卜等。即係逼人食牛姐🤡菜就算多款，同埋都新鮮。飲品種類一樣都唔算多。最後整返杯乳酪雪糕，無咩乳酪味，當佢普通雪糕咁樣食就OK 㗎啦😂同埋定期會有一款特別口味，今次係我唔食嘅香芋味，之前食過綠茶同埋芝麻都好正🤤整體環境，服務，食物質素都可以，如果時間可以兩個鐘就非常好。