僕之拉麵 (已結業)

#MC帶你去旺角.香港都開咗唔少拉麵店🍜，有小店、過江龍、連鎖嘅，今日就試一試喺旺角區內嘅人氣拉麵店🔥，主打豚骨湯同埋巨量叉燒‼️.✨ 餐廳環境店內裝潢以簡約和風為主🎋，配以木系擺設🪵，感覺輕鬆舒適。牆壁上更有一塊塊木板刻上不同食材、拉麵、小食款式，充滿日本風格🎌。🥢 特選拉麵（清湯） $135第一眼以為係鰻魚，點知原來係炙叉燒😂，Size無得輸，仲長過隻碗‼️炙叉燒油脂比較多，邊邊位燒得好焦香🤤；叉燒肉片厚度適中，咬落軟腍唔韌👍🏻。配料仲有紫菜兩片、味筍、味付雞蛋。湯底選左豚骨清湯，雖然顏色上同濃湯差唔多，但比較清澈，油膩感無咁重🫧。🥢 肉愛食者拉麵（濃湯） $120叉燒肉片鋪滿碗邊，份量十足💯，賣相好打卡able📸！除咗叉燒肉片，仲有幾粒角切叉燒，師傅用火槍燒一燒過🔥，肉味更突出！湯底選左豚骨濃湯，湯底好厚豬骨味，但又唔會太鹹😋。味付雞蛋蛋黃呈流心狀態😍，口感非常濕潤，食落有香濃嘅蛋香味之餘有少少醬漬味👍🏻。麵線粗幼適中，但比較無咁掛汁，反而失色咗少少🙊。🥢 炸餃子（4隻） $30餃子炸得十分香脆，雖然炸物配沙律醬係定律，但反而就咁食仲好食😅。