肉餅哥小炒料理 (已結業)

近期，朋友們都紛紛去食人氣大熱的肉餅哥，知道大圍新開了一間分店，就同米仔去試一試。因為今個weekend 冇特別野做，所以就未夠六點就去到，入座時都未爆滿，轉眼間，店內不算很大的，已經是坐滿哂~~~ 為什麼人氣甘勁？ 就真係要一試喇！坐下一陣，店員便送上例湯，今日靚湯就係紅蘿蔔青蘿蔔既老火湯，味道清甜，十分滋潤。原隻龍蝦煎肉餅龍蝦煎肉餅，原隻龍蝦就上給你！肉餅中沾有蟹粉，十分足料，煎得非常香口，很惹味！肉餅厚身而結實，口感很豐富！足三兩花膠蒸肉餅呢個足三兩花膠蒸肉餅，貨真價實，夾上花膠，十分重手！花膠質感紥實，膠質咬起來非常鮮美，以不足一百元的價格，可以食到這個女士的恩物，在那再找到呢？還配上肥瘦比例剛好的蒸肉餅，吃起來很有嚼勁，有口感之餘，又不會太油膩！食了那麼多肉餅，當然要食一點蔬菜，菜心很鮮甜，不見油，不加任何調味便已經足夠！肉餅哥在平民區開店，絶對是平民的福氣，米仔話，如果開在屋企樓下，佢一定會試哂甘多款味道唷！