肉餅哥小炒料理 (已結業)

大圍美林都開咗間肉餅哥啦，相信唔少人都鐘意食肉餅，尋晚一入去坐滿曬人，好得街坊支持，地方夠大，食得舒服。小食-泰式無骨鳳爪，鳳爪size都幾大，total都有5-6隻，口感清爽彈牙，微酸，不太辣。原隻龍蝦肉餅，就咁睇個樣都幾霸氣，因為肉餅係煎既，所以食落好香口，另外用了龍蝦肉，食落肉質都彈牙鮮甜。黑椒雞腎肉餅，呢個真係幾有創意，食落味道不俗，會食到雞腎粒，係黑椒既調味下，更加惹味。最後叫咗個榴槤炸彈，嘿嘿，好邪惡，外皮穌脆，一咬即刻有榴槤蓉流出。