新麻蒲 BBQ (形點) (已結業)

媽媽話唔想煮飯, 又一直嚷著要食韓烤…又話未去過 Yoho…..咁即係想我帶佢去 Yoho 食佢最愛既韓烤啦! 呢個商場店舖實在有點難搵, 指示唔清晰! 好彩商場有好多管理處職員, 沿路行都可以一直問路…一入座已經立即送上4碟前菜, 1碟沙律 & 1碟菜! 醋海帶好解膩, 而當中最欣賞係泡菜, 唔酸, 超正 (前菜可免費再添)!2母女 order 一客 “牛肉套餐 SS1”, 一次過試多款不同部位及醃製方法的牛! 特級霜降牛肉 ~ 肥瘦均勻, 滿滿的牛肉香味, 入口油脂四溢, 包生菜及包飯醬, 味道一絶!秘製牛肋排 ~ 唔需要沾醬都好夠味, 無味精, 軟滑無筋! LA牛肋骨 ~ 唔靭, 肉嫩有肉汁, 因為唔太厚所以燒起嚟周邊變得好香脆! 特選韓式什錦拼盤 (年糕, 冬菇, 豬肉香腸, 大蝦) ~ 蝦超大隻, 仲好多蝦糕! 腸仔係芝士腸, 除左蘑菇仲有翠肉瓜, 金菇 & 雞肶菇, 我覺得自己燒得好好…年糕就無燒喇, 放埋落部隊鍋一齊煮! 新麻蒲部鍋 ~ 望落唔覺但原來有好多餸…牛肉, 金菇, 大蔥, 午餐肉, 腸仔, 泡菜...等等! 湯順喉唔嗆, 可以再辣啲更好! 爐邊蛋我又燒得過熟!