喇沙大少 (已結業)

同老公二人出megabox買野, 見到有喇沙食, 即管試下。可能自己係馬來西亞華僑, 對星馬既食物要求比較高, 暫時響香港食過既星馬菜, 都覺得唔夠正宗, 見呢間野打正旗號係喇沙大少, 一於試下個喇沙點樣。點左:1)招牌喇沙: 呢個完全係失望。七十幾蚊碗, 仲要講明係招牌, 咁既質素不能接受。首先個湯底, 太稀, 味道似咖喱湯多過叻沙湯, 又無叻沙葉, 又無獅蚶, 完全唔係叻沙黎。以我既南洋人口味黎講, 土司工房平過佢又好食過佢好多。2)炒蘿蔔糕: 配料尚算正宗, 有落菜甫, 可惜咸左d。要彈既係蘿蔔糕內有蠟肉, 應該係出面攞貨返黎。真正星馬既炒蘿蔔糕既糕底, 係齋蘿蔔+粘米做, 無蠟肉架!! 3)肉骨茶: 咁多樣食物之中算最正宗。係馬來西亞式肉骨茶, 即係黑色果種, 藥材味夠濃。4)凍+熱拉茶 : 不過不失, 茶膽味道似港式奶茶兩個人食埋單三百幾, 咁樣既價錢配咁樣既質素, 唔會再幫襯了。