新多寶來海鮮酒家

營業中

休息中

今日第一次嚟流浮山食海鮮，試吓呢間睇吓佢有咩符fit。 食咗4樣嘢，第一味估唔到就食到舔舔脷，鹽焗奄仔呀啲油多到爆曬出嚟又香又嘢味，確實呢個季節係要食咗奄仔先嘅。頭先嗰味你可以話D奄仔靚姐，不過第二位味呢就唔同啦，第二尾就係豉椒蟶子皇粘米餅底。蟶子王靚好食就唔再講啦，佢啲豉椒完全唔會搶過蟶子王嘅味道，成道菜惹味得嚟又夠香，再將啲汁落埋去米餅到......呱！好食到揼一聲！第三味就係啫啫通菜煲，夠鑊氣唔多油就已經得喺度菜嘅精粹喇。最後一味呢就係炸乳鴿啦，皮脆肉嫩，食一人食一隻都唔夠喉，真係無野好講喇！