七十一 (已結業)

十年前，自從經同事介紹黎呢度買豬油腸粉後，我都無再食過其他腸粉，以前鋪頭開係大馬路，開到半夜兩三點，長期都要排隊，可能因為鋪租不斷上升既關係，搬左去又新街一個唔起眼既位置，我泊左架車係門口，食完都無見到人買，禁好味既腸粉無咩生意真係覺得有d可惜。腸粉好彈牙同滑，加左甜醬，麻醬，同秘製辣汁，芝麻同最重要既豬油。其他地方既腸粉如果唔係即刻食既話，係會痴住一舊舊，但呢度落左豬油 ，攤凍左食都唔會痴住，而且仲好香。