華昌粥麵燒腊飯店 (已改名) 查看

上次講過，鰂魚涌其中一個飯堂華昌佢個肥叉可以話係係呢區數一數二另外太古城中心嘅西苑，肥叉都係我嘅心頭好可能又係因為近日落好大雨唔駛等好耐位就可以安排就座同行同事食咗粟米斑腩飯咁我就梗係寵幸我最愛嘅華昌肥叉切雞米啦！肥叉切雞米料同湯米粉分上，唔怕佢會浸得太淋湯底唔似其他燒臘舖用燒鴨殻煮湯反而用雲吞麵舖嘅大地魚湯做湯底，加上韮王肥叉我最愛，佢嘅肥叉其實唔係真係好肥，咬落鬆化，麥芽糖燒得叉燒好香，唔只點解我食到有杏仁香味一吃難忘切雞不俗，薑蓉出色難怪每星期我都要朝聖一次