深夜食堂 (已結業)

睇完戲，6點未夠，但又唔想番屋企煮飯。所以就去塭食，尖沙咀話細唔細，要由一點行到去另一點，無半個中都絕對唔得。所以就近近地去左全個尖沙咀最集中有好嘢食嘅厚福街。又未餓，所以就選左呢間網上評分唔錯的串燒店，一串串甘食，唔使迫自己食到甘飽。見拒有個牛肉黑松露鵝肝飯好似好吸引甘，但係又見到大阪燒喎。好難決擇。。最後得勝的係大阪燒。即叫即整的大阪燒十分厚身，熱辣辣。除左有椰菜之外仲有大大粒嘅八爪魚夾喺中間，夠晒豐富。燒牛舌雖然係薄切，但咬落又好爽口，入面一d都唔乾，幾好。露荀豬肉卷係值得推薦的，外面搽左特別的醬汁，鹹鹹地，又有d日本風味。咬落去有肉嘅香，還有露荀的清香。雞腎一碟有兩寸，每一粒都有五毫子咁大，咬落去爽身，完全唔會韌，外邊仲有豉油汁包住，咸咸地幾好。除左有室內的位置之外，會有埋露天嘅位置。想露天談下心，飲下嘢都係一個唔錯嘅選擇。仲有中意飲清酒嘅話98蚊任飲，值唒票價。