影片
更多
2008-01-07
62 瀏覽
尋日肥妹個阿媽（即係未來外母）比佢家姐（即係未來家姐）坤咗出荃灣聽個Ｄ健康飲品鎖售講座, 佢家姐仲買咗成幾千蚊所謂補充骨膠原粉狀沖劑, 仲好叻話比我聽每包成三十蚊o架, 唉... 我都唔明呢D咁嘅嘢而家都仲有人信...佢家姐比人坤完之後,就上咗嚟我屋企, 坐咗一陣跟住就出咗去食晚飯喇.今次肥妹介紹咗間印度餐廳, 都好近屋企, 就即管去試吓啦!四個人坐的士, 十五蚊唔洗跳標, 唔洗五分鐘就到咗Heritage Indian Restaurant翡翠印度餐廳.一坐底, 正如其他印度餐廳一樣, 先送上印度威化餅伴兩種sauce同吃, 一種係差唔多間間印度餐廳都有供應嘅青BB 辣辣sauce, 另一種我同肥妹都係第一次見同試嘅, 味道酸酸甜甜, 肥妹話有D似薑醋味喎, 我都覺係, D印度威化餅脆卜卜, 好鬆化, 點埋D sauce又甜, 又酸, 又有D辣, 好好食, 轉個頭已經比我哋掃青光了.係食威化餅嘅同時, 我哋就睇吓餐牌睇吓有乜嘢正嘢食.好快就決定咗叫乜喇, order咗三個set, 另外再散叫多一客果仁咖哩雜菜o添.每一個set都包咗一件雜菜咖哩角, 一客主菜跟飯或烤餅, 同埋一杯飯品
佢家姐比人坤完之後,就上咗嚟我屋企, 坐咗一陣跟住就出咗去食晚飯喇.
今次肥妹介紹咗間印度餐廳, 都好近屋企, 就即管去試吓啦!
四個人坐的士, 十五蚊唔洗跳標, 唔洗五分鐘就到咗Heritage Indian Restaurant翡翠印度餐廳.
一坐底, 正如其他印度餐廳一樣, 先送上印度威化餅伴兩種sauce同吃, 一種係差唔多間間印度餐廳都有供應嘅青BB 辣辣sauce, 另一種我同肥妹都係第一次見同試嘅, 味道酸酸甜甜, 肥妹話有D似薑醋味喎, 我都覺係, D印度威化餅脆卜卜, 好鬆化, 點埋D sauce又甜, 又酸, 又有D辣, 好好食, 轉個頭已經比我哋掃青光了.
係食威化餅嘅同時, 我哋就睇吓餐牌睇吓有乜嘢正嘢食.
好快就決定咗叫乜喇, order咗三個set, 另外再散叫多一客果仁咖哩雜菜o添.
每一個set都包咗一件雜菜咖哩角, 一客主菜跟飯或烤餅, 同埋一杯飯品, 飯品可以揀tea or coffee($68), 芒果奶昔($78)或者印度啤酒($88), 我哋全部叫晒芒果奶昔.
而主菜就揀咗茄汁燴雞, 印度燴嫩羊肉, 同埋瑪沙拉魚件.
先嚟雜菜咖哩角, 熱辣辣, 外皮香脆, 裡面有咖哩薯仔同青豆, 聞就可以聞到好香, 但食落又好似味道淡咗D, 肥妹話要點D酸酸甜甜似薑醋嘅sauce會好食D喎!
呢個係茄汁燴雞, 呢個sauce好濃, 一貫印度風味, 茄味好濃郁, 酸酸尾尾, 好開胃, 呢個一D都唔辣嘅.
而呢個係印度燴嫩羊肉, D羊肉好鮮嫩, 又夠滑, 炆得好淋, 而D汁係有D辣嘅, 用NAN點嚟食一流.
仲有瑪沙拉魚件, 呢個係比較辣嘅, D咖哩汁嘅味道同羊肉嗰種係完全唔同嘅, 個汁相對嚟講係冇咁濃, 而D魚肉係有骨嘅, 不過我唔食魚, 所以唔知道D魚好唔好食, but肥妹阿媽(肥媽)話D魚應該係雪藏嗰喎, 不過肥妹就話唔識分.
最後要介紹嘅係果仁咖哩雜菜, 呢個係一D都唔辣, 甜甜哋, 有薯仔, 雜菜, 提子乾等等, 食咗以上三種咁濃味嘅餸, 呢個相對比較清新, 冇咁漏, 有D中和作用.
食咖哩梗係唔可以小得NAN同飯啦, 由其是D NAN, 熱辣辣新鮮出爐, 有麵粉嘅香味, 完全能夠吸引晒D咖哩汁, 真係冇得頂; 而碟飯真係好大碟, 我哋一行四人都食唔晒.
食咗D咁濃味又辣嘅食物, 飯番杯凍飲真係正晒, 呢杯芒果奶昔真係好正, 以為會好甜, 佢又味道啱啱好, 甜度適中, 帶有小小芒果嘅天然酸味, 好有芒果味, 再加上乳酪嘅獨特酸味, 真係好好飲.
最後梗係要試吓D印度甜品啦, 叫咗一客鮮奶芝士球, 果然冇估錯, D印度甜品真係好鬼死甜, D奶真係好甜, 應該似練奶多過鮮奶, 另外個芝士球嗰種質感好似D隔夜麵包咁, 乾乾硬硬咁, 咬落去就feel到入面又好多氣孔, 完全能夠索晒D鮮奶, 不過我真係食唔到有芝士味, 係就係幾特別, 不過我就唔係好識欣賞喇.
張貼
