Studio City Bar & Cafe (已結業)

電影主題餐廳，當然同電影有關，不過我哋唔係喺UA睇完戲，反而係喺德褔睇完《樹大招風》行過嚟。餐廳內電視不斷播著最新的電影預告片，而且中西日韓主流小眾都有，一路食一路可以plan定下套想睇咩。非常懷舊美式的室內設計，紅梳化、霓虹燈、點唱機棉花糖機(雖然已out of work)，空間廣闊，坐得舒服又可以大剌剌享受美食的餐廳。有一個超級高大靚仔model級的侍應幫我哋落單，而且非常溫文有禮，真係搞到我紅都面哂全部食物熱辣上枱，雞翼外層有一層薄薄脆粉，賣相吸引，外層香脆乾爽唔會油淋淋，內裡剛剛熟，雞肉超嫩而且有肉汁。西芹條鮮嫩無渣，口味清淡清新，不會有濃烈的青芹臭青味薯片邊位香脆，肉醬份量頗多而且味道香濃，熱辣辣上枱嘅薯皮配冰凍嘅sour cream, 冰火二重天嘅享受。薯條連着薯皮，薯味非常濃，條條酥脆。漢堡牛扒可自選熟度，我選咗medium, 呢度用grill, 扒上有grill爐燒成的紋理，充滿grill特有的炭香。麵包也在pan輕輕烘過，帶來脆嘅口感。蔬菜份量多而且新鮮，有大大片蕃茄同生菜，同切得幼幼嘅洋蔥絲。它本身無醬汁，可以自行加茄汁同黃芥辣，增加濕潤度而且味道更加美式