影片
更多
2021-04-26
527 瀏覽
行過都見多人買外賣，入嚟坐低試一試。一睇餐牌，有啲係台式拌飯、牛肉麵，有啲日式咖喱，有啲港式撈公仔麵 ... 所以同意樓下啲師兄講，呢間只係偽台式貴價茶餐廳。如果當佢係台灣料理，第一件事當然要試吓牛肉麵，見佢啱啱大字標題新登場椒麻半筋半肉麵，就叫嚟試試！碗麵一上枱，已經覺得唔對路，我要半筋半肉麵喎，點解有啲肥牛喺度？港式餐廳用肥牛呢樣嘢，通常都係要對沖成本，即係表面上好似俾啲牛你，其實好大量係脂肪嚟，即係你去打邊爐餐牌裏面最平嗰啲所謂精選美國牛肉，就係呢啲咁嘅肥牛。一見到啲肥牛，即刻睇返個餐牌嗰幅標明只供參考嘅圖片，係冇肥牛個㗎喎！雖然講明圖片只供參考，唔能夠話你違反商品說明條例，但就大大影響咗食客嘅心情囉！而且，牛筋嘅份量好少，大概等於佢幅相上面一條牛筋設切成三嚿，而今次碗麵總數只得四小嚿，點解要將啲牛筋換咗做肥牛？太過分！至於半筋半肉嘅部份，有兩條，尚算附合圖片。半筋半肉嘅肉質來講都算炆得夠腍，但又係唔會一咬即散，保留咗一啲咬勁，質感來講算唔錯。至於嗰啲肥牛，肥膏多過牛，不予置評！湯頭係好清澈嘅紅燒湯底，初初飲有少少覺得淡口，基本上唔辣，而麻嘅感覺要喺after taste先走出嚟
如果當佢係台灣料理，第一件事當然要試吓牛肉麵，見佢啱啱大字標題新登場椒麻半筋半肉麵，就叫嚟試試！
碗麵一上枱，已經覺得唔對路，我要半筋半肉麵喎，點解有啲肥牛喺度？港式餐廳用肥牛呢樣嘢，通常都係要對沖成本，即係表面上好似俾啲牛你，其實好大量係脂肪嚟，即係你去打邊爐餐牌裏面最平嗰啲所謂精選美國牛肉，就係呢啲咁嘅肥牛。一見到啲肥牛，即刻睇返個餐牌嗰幅標明只供參考嘅圖片，係冇肥牛個㗎喎！雖然講明圖片只供參考，唔能夠話你違反商品說明條例，但就大大影響咗食客嘅心情囉！
而且，牛筋嘅份量好少，大概等於佢幅相上面一條牛筋設切成三嚿，而今次碗麵總數只得四小嚿，點解要將啲牛筋換咗做肥牛？太過分！至於半筋半肉嘅部份，有兩條，尚算附合圖片。半筋半肉嘅肉質來講都算炆得夠腍，但又係唔會一咬即散，保留咗一啲咬勁，質感來講算唔錯。至於嗰啲肥牛，肥膏多過牛，不予置評！
湯頭係好清澈嘅紅燒湯底，初初飲有少少覺得淡口，基本上唔辣，而麻嘅感覺要喺after taste先走出嚟，整體上，冇咗個份紅燒湯底濃烈嘅刺激感，但如果想清清地，還可以。
麵條唔錯，份量適中，質感軟滑但仍保持咬勁，但唔算太有麵粉香。
張貼
