殿 大喜屋

營業中

休息中

之前朋友食過話好食, 比我睇過D相, D海膽手卷, 好肥美, 睇見都流晒口水, 因為好小放題有咁大舊加拿大海膽任食。今日即興搵個朋友一齊黎食下, 好彩即日book到位, 個場都好大。食物上台快, 無漏單, 服務生收碟也很快!肥美又大條既加拿大海膽手卷, 入口即溶, 好鮮甜, 食多幾件都回本。刺身種類繁多, 赤蝦大大隻, 有頭甜蝦, 帶子大大粒, 三文魚腩, 北寄貝同樣鮮甜爽口。拖羅肉脂比例平均, 滑身嫩口, 好新鮮!長腳蟹有甜味及自然海水咸味, 翡翠螺及凍蝦鮮甜爽口!和牛薄燒, 燒至剛熟, 有牛肉味及能保有肉汁。香草羊架, 唔會太多脂肪, 食落羊肉味混合香草味, 配搭一流!海蝦大大隻, 鹽燒加上檸檬汁, 好醒胃, 肉質彈口, 唔乾, 好juicy!翠肉瓜燒至略焦, 入口帶點牛油香味, 仍能保有瓜的水份。青酒汽水甜品任食任飲。