Nunu燒 (已搬遷) 新店位置

今日喺中環做完嘢一點半左右，唔知食咩好，同同事行到呢條街，見到都好多選擇見到呢間日本料理裝修到好似日本居酒屋咁，幾得意，餐廳細細，唔算有好多位，喺店外睇個餐牌一啲都唔貴中環價錢黎講認真好抵餐牌都有好多選擇，一般大概$60幾至$100左右， 同事叫咗芝士咖哩牛丼飯，嘩! 個面勁多芝士，下面又充滿咖哩汁，我同事話好邪惡，但係好好味不過我趕唔切影相，因為佢太肚餓喇我叫咗鰻魚飯（半條），開頭以為份量會有好少，點知嚟到賣相好驚喜鰻魚切成三舊用竹籤穿住，充滿鰻魚汁而且下面啲白飯亦都沾滿咗鰻魚汁，如果你唔夠仲可以另外自己再加鰻魚汁㖭 啲鰻魚咬落去非常肥美，而且好juicy 真係幾好味，份量對我嚟講都算飽。午餐玄米茶同埋柚子茶係自助形式，食完覺得都唔錯 ， 午市免加一，下次經過都會再嚟食