影片
更多
2009-09-08
300 瀏覽
肥豬知我呢期莫財，本來Booked IFC Le Pain Grille (agnes b café) , 佢話想打邊爐，雖然我唔鍾意開冷氣打邊爐咁唔環保，不過肥豬都係想幫我慳錢，最後揀左九龍城合興，因為近． 一去到，心內一沈，本Menu好似無乜選擇，揀左出名ｏ既頂級肥牛($250), 鮮鵝鴨腸，手打蝦丸，手打墨丸，鮮冬菇，蘿蔔片，油麥菜，紅蘿蔔馬蹄粟米湯底．頂級肥牛($250) 係最貴個隻, 油花勁多, 好肥美, 入口幾乎即溶. 鮮鵝鴨腸勁肥美, 油香滿溢, 鴨腸重好香, 蝦丸好彈牙, 真係粒粒真材實料, 呢餐一定超標, 之後要齋戒番幾日至得.環境算企理, 服務好好, 尤其係樓上個阿姐, 態度好好又細心, 但係因為選擇太少, 只適宜4個人左右去, 太多人都無野揀到, 我都係第一次打邊爐叫唔到野飲, 最後只可以揀酸梅湯, 因為無枝裝可樂, 無竹蔗茅根, 只有罐裝汽水, 啤酒同酸梅湯. 湯底只係將d材料放落去滾兩滾, 純粹食新鮮貨, 真材實料, 尤其鍾意佢有大部份食物有細碟揀, 啱我地兩個人食.P. S. 建議各位揸車人仕一係早d 去等咪表, 一係去KCP或者代客泊, 如果就咁泊街, 老
一去到，心內一沈，本Menu好似無乜選擇，揀左出名ｏ既頂級肥牛($250), 鮮鵝鴨腸，手打蝦丸，手打墨丸，鮮冬菇，蘿蔔片，油麥菜，紅蘿蔔馬蹄粟米湯底．
頂級肥牛($250) 係最貴個隻, 油花勁多, 好肥美, 入口幾乎即溶.
鮮鵝鴨腸勁肥美, 油香滿溢, 鴨腸重好香, 蝦丸好彈牙, 真係粒粒真材實料,
呢餐一定超標, 之後要齋戒番幾日至得.
環境算企理, 服務好好, 尤其係樓上個阿姐, 態度好好又細心,
但係因為選擇太少, 只適宜4個人左右去, 太多人都無野揀到, 我都係第一次打邊爐叫唔到野飲, 最後只可以揀酸梅湯, 因為無枝裝可樂, 無竹蔗茅根, 只有罐裝汽水, 啤酒同酸梅湯.
湯底只係將d材料放落去滾兩滾, 純粹食新鮮貨, 真材實料, 尤其鍾意佢有大部份食物有細碟揀, 啱我地兩個人食.
P. S. 建議各位揸車人仕一係早d 去等咪表, 一係去KCP或者代客泊, 如果就咁泊街, 老板話抄硬, 肥豬就見到警察抄牌.
張貼
