影片
更多
2019-12-10
1027 瀏覽
位置在荔枝角道(深水埗段) 入夜後人流較少, 唔近地鐵站, 附近競爭對手係相當強的小菜皇及經營咗幾十年嘅大排檔, 其實係幾難纏嘅對手, 但估佢唔到, 無什麼漂亮門面, 座位雖則有點窄, 菜式只係一張紙睇晒, 有些甚至賣晒就無, 10 Oct -星期四的晚上, 居然可以坐至滿座, 熱鬧非常, 在這紛亂嘅局面下仍然有生意可見佢受街坊愛戴, 小菜份量係正宗的4 人份, 味道當然係以濃味為主線, 呢晚一行4人, 每人只係$86 有部份菜式同晚餐的一樣所以加兩蚊已經有熱飲, 菜式有肉片炒小白菜, 碌鵝, 黑椒薯角炒牛柳肉, 東江豆腐煲, 蒜茸蒸開邊蝦, 唔能夠講每一味都係頂級廚藝下的產物不過每一味都熱呼呼的由廚房傳出來, 感受到那種全力己赴的誠意, 比較有水準的算是"碌鵝" , 現在已經無乜小菜館做, 因為頗花時間去做, 這裡去咗麵豉醬去"碌", 肉質沒有太咸或者太老身, 而座中亦有不少單身漢來這裡叫個晚餐睇電視劇送飯, 在這店實在能夠體會最基層生活的一群, 佢地沒有太崇高理想, 上網可能也只限於睇下電視劇, 每日勞累工作後來這裡放鬆一餐已經係過咗愉快的一日, 後尾過咗兩星期後再去23 Oct.
後記: 第一次來最搞笑嘅係張手寫單居然係已經結業嘅"三洋餐廳"枱頭嘅紙仔, 第二次來才是"味中味餐廳"
上面係"碌鵝", 下面係炒白菜仔
12 瀏覽
0 讚好
0 留言
東江豆腐煲
7 瀏覽
0 讚好
0 留言
張貼
