味中味餐廳

營業中

休息中

已經好幾年無食過茄汁蝦 今晚見到味中味喺 fb 嘅menu就打電話落 order 樣樣都想食 終於兩個人都嗌咗3個餸 茄汁蝦叉燒豆角菜脯煎蛋 薯仔滑雞煲 茄汁蝦 真係頂呱呱 搵番4大長老還在時候嘅味道 每逢做節都有得食 諗起都有啲淚光叉燒豆角菜脯煎蛋 唔油 味道都啱啱好薯仔滑雞煲 薯仔有走油 好有誠意 雞真係好滑 3樣都好好食 小店經營 做街坊生意 最緊要係有人情味 四眼哥哥同靚女姐姐 姨姨都好好人又有禮貌 會多多支持其實我揸車跨區去味中味 外賣自取的 每次都包得好妥當 無漏瀉 讚呀！

快食午餐，隨機入咗依間街坊茶餐廳🙆🏻‍♀️舖頭放嘅裝飾有用心設計過，尚算乾淨企理～✴️例湯✴️未嗌嘢食，店員已率先送上一碗例湯～湯料幾多，不過味道咁淡～✴️客家粉米粉✴️好有鑊氣🔥幼身米粉好爽口，更吸味，食落唔會好油膩，配料有炒蛋、洋蔥、紅蘿蔔、芽菜、肉絲同魷魚，大大碟正👍🏻👍🏻✴️洋蔥汁豬扒煎蛋飯✴️好耐無食過茶餐廳洋蔥汁，依個洋蔥汁絕對係回憶嘅味道🤩甜中帶少少酸，質素杰身，撈飯好開心🤣✴️涼瓜牛肉飯✴️分開上抵讚👍🏻涼瓜大件厚身，煮得軟腍索味，牛肉無過份嗱，keep到牛肉本身嘅質感~

小學讀附近好少食佢，自從21年後就成日食，野食好食 份量偏多，價錢實惠，老闆老闆娘員工都好nice，但地方唔大會少少迫，不過食野最緊要好食👍 絕對值得去！推介煎肉餅、鹽焗雞、碌鵝、炒菜、又夠鑊氣又好食🥰一般得都好少寫食評，但以呢個價錢、呢個水準、份量、人情味、仲要有隻肥貓，都想鼓勵下老闆，好食一定有人會欣賞，平時都成日坐滿人，碌鵝想食要提早一日訂，好食過附近個間華記碌鵝，煎肉餅直頭世一，但要襯熱食！

今晚去咗呢間食小菜，服務同食物質素都好好，價錢又抵食，以後會多D黎我哋兩個人，叫左客家鹽焗雞$85，蒜蓉豆苗$75，套餐包白飯、例湯同飲品鹽焗雞份量有半隻，肉邊質嫩滑又juice,點埋沙薑汁好惹味蒜蓉炒豆苗都好大碟，熱辣辣好有鑊氣

1月12日，呢間小菜我經常來的因為近自己屋企，佢哋小菜拎出嚟多數都會有煙出熱辣辣，有時落單叫佢少油係真係會嘅，今日兩個人食咗兩碟小菜一個煲仔飯。煲仔飯～正常細細煲，飯係香軟嘅啲肉都夠味，我自己就平時唔食茶餐廳嘅白飯，因為通常一般大眾口味喜歡比較硬，所以煲仔飯即刻整口感唔同薑蔥雞～我叫佢多蔥我好滿意，因為啲蔥食落去一條條夠多又唔辣瑤柱扒豆苗～個汁味精唔重，唔會太鹹太重豉油味，用細粒嘅瑤柱份量多啲，好過畀大粒嘅俾得少唔夠食。

荔枝角道這間茶記很受街坊歡迎，每日午市有不同款式HK$40飯餐，亦有幾款特色齋菜大大隻字貼出來，貓店長仲不時會在門前的牌子後面睡覺。觀望左好耐這天特別行過去買個飯食。午市快餐日日都有唔同，當中亦會有一款素食。另外有一系列齋菜小炒，全部望落都好吸引！入面原來有裝修的，杯杯碟碟亦有特色，看來並非一般茶餐廳。細看餐牌晚市還有更多選擇，喜歡吃鑊氣的人可以留意一下。貓店長非常文靜，應該是上年紀的貓咪，有人開門就會望一望咁樣。涼瓜菜甫煎蛋飯 HK$55份量好大的飯盒！我覺得夠兩個人食，完全係鑊氣十足大排檔小炒Style，本人非常滿意，下次應該約朋友一齊食，嗌兩個菜分享這樣。近近地又平又有水準，一定會再幫襯嘅！

呢間餐廳行少少復古嘅風格平時有隻貓看門口不過今次去嘅時候唔見咗影🥲🥲返番正題先今日我哋叫咗一個常餐 $38最普通嘅沙嗲牛公仔麵同埋火腿、蛋、方包公仔麵煮得啱啱好 火腿 蛋 包 都係正常水準然後仲叫咗一個雙拼扒鐵板餐黑椒汁牛扒拼雞扒配薯菜雖然冇得自己淋享受咋嗰一刻但出晒煙咁樣上台都已經好開心仲要只係$58 邊度搵？ 依個薯條係即叫即炸嘅！ 唯一唔好就係個扒食到一半先至上到個薯條🍟不過熱辣辣嘅薯條真係好好食仲要係波浪紋！ 掛茄汁能力一流🤪

是咁的味中味佢嘅是日快餐性價比真係好高只係需要39蚊仲要有成六七款選擇唔通種類都有啲咁通常都會有啲炒粉麵X汁雞/豬扒配火腿飯魚柳沙律之類其實都幾多款式仲要只係需要39加埋凍飲先係$40頭真係好抵但講完一大輪今日我唔係食快餐😂由於今日係12月24號平安夜所以決定對自己好少少🤏同個朋友一齊叫咗兩個小菜食叫咗個蒜蓉開邊蝦（$88）黑椒薯仔牛柳粒（～$80？）紅豆冰（跟餐加$9）落完單之後即刻有兩個例湯嚟咗正常味道未係話好好飲但又唔會完全冇味然後就嚟咗好多冰嘅紅豆冰係好飲嘅之後上菜嘅係黑椒薯仔牛柳粒份量都唔錯味道亦都幾好啲牛柳都係好林有少量薯仔我覺得大嚿咗少少個中間會有少少硬然後蒜蓉半邊蝦就嚟咗分量都正常好多蒜蓉如果鍾意食蒜蓉嘅應該會好鍾意食我覺得如果可以多番啲豉油就更加好了總結：呢間餐廳嘅快餐好抵但今次試咗小菜亦都唔貴份量味道亦都幾好可以再嚟食

同事大力推介的親民茶餐廳，佢話煲仔飯好正，佢哋兩公婆多數叫蒜蓉半邊蝦！不過正值六點後冇堂食令，唯有叫外賣，去到門口見到好多街坊等外賣，傳單上面介紹每日都有抵食晚餐都係30幾蚊，我就最喜歡味中味金銀蛋莧菜及炒粉麵，仲有大大碗例湯，次次食完都唔會口渴，不妨試吓！

味中味茶餐廳，好多年前在食蒲團視頻睇過介紹，話佢地啲小菜小炒大件夾抵食。相隔好多年嘅今日，我終於黎到幫襯下次有機會同埋啲老友黎試下佢啲小炒今日中午黎到，一條友，叫左碟乾炒牛河$42好大碟，碟底冇好多油，河粉煎過，比較甘香，啲牛大大塊薄片，唔會厚，因為牛肉厚就好難咬唔會有多餘配料，係得蔥同芽菜碗湯都好清甜，舊豬骨好正杯凍茶唔太甜喎加$7

位置在荔枝角道(深水埗段) 入夜後人流較少, 唔近地鐵站, 附近競爭對手係相當強的小菜皇及經營咗幾十年嘅大排檔, 其實係幾難纏嘅對手, 但估佢唔到, 無什麼漂亮門面, 座位雖則有點窄, 菜式只係一張紙睇晒, 有些甚至賣晒就無, 10 Oct -星期四的晚上, 居然可以坐至滿座, 熱鬧非常, 在這紛亂嘅局面下仍然有生意可見佢受街坊愛戴, 小菜份量係正宗的4 人份, 味道當然係以濃味為主線, 呢晚一行4人, 每人只係$86 有部份菜式同晚餐的一樣所以加兩蚊已經有熱飲, 菜式有肉片炒小白菜, 碌鵝, 黑椒薯角炒牛柳肉, 東江豆腐煲, 蒜茸蒸開邊蝦, 唔能夠講每一味都係頂級廚藝下的產物不過每一味都熱呼呼的由廚房傳出來, 感受到那種全力己赴的誠意, 比較有水準的算是"碌鵝" , 現在已經無乜小菜館做, 因為頗花時間去做, 這裡去咗麵豉醬去"碌", 肉質沒有太咸或者太老身, 而座中亦有不少單身漢來這裡叫個晚餐睇電視劇送飯, 在這店實在能夠體會最基層生活的一群, 佢地沒有太崇高理想, 上網可能也只限於睇下電視劇, 每日勞累工作後來這裡放鬆一餐已經係過咗愉快的一日, 後尾過咗兩星期後再去23 Oct.

人多gathering唔知食乜好嗰陣，通常都係嚟呢度炒幾道小菜，夠曬平靚正😁乳鴿皮脆多汁，熱辣辣又嫩滑，正龍蝦肉質彈牙，每啖伊麵都充滿芝士汁，咁大碟都幾抵食嫩滑有嚼勁嘅鮑魚白飯殺手—豉椒炒蜆，次次食炒小菜都會點嘅惹味之選！必點！！炸蠔內鮮外脆，完全唔會炸得過熟，好好食粉絲蒸扇貝扇貝彈牙，粉絲入味軟身白灼蝦，簡單點啲辣椒豉油已經食到我哋lam lam脷整體嚟講，呢間茶記嘅食物係物超所值，絕對有回頭！

以前讀U已經成日同啲同學嚟食飯，味中味絕對係平靚正嘅學生哥恩物！！最近一班舊同學約食飯，味中味就梗係呢個飯局嘅不二之選八爪魚刺身先嚟個頭盤~你冇睇錯，茶餐廳都有冷盤食呢個係熟客仔嘅隱藏餐單，要book檯嗰陣預訂先有。大大碟八爪魚刺生，爽口有彈性，點埋芥茉豉油，好味到每次嚟都要order白灼蝦白灼嘅做法保留咗蝦嘅鮮、甜、嫩，簡簡單單，夠曬原汁原味！豉椒炒蜆夠曬鑊氣，醬汁香濃惹味沙拉骨酸甜醒胃，送飯一流～蒜蓉粉絲蒸扇貝今次嘅豉油唔係好夠，但蒜蓉好入味，而且扇貝本身都好鮮好好食。薑蔥炒蟹好香口，啖啖蟹肉，食到我哋舐曬手指鹹魚煎肉餅食到呢度其實已經幾飽，但呢個肉餅真係會令人忍唔住食完一塊又一塊肉質鬆化，鹹香美味，又一白飯殺手。炸生蠔好好食！炸漿係恰到好處嘅薄，啲蠔大隻又新鮮，仲炸得非常好！完全唔會過老，一啖咬落去，外層酥化、內裡肥美多汁！蒸魚最後以一條滑滑蒸魚作結，呢餐真係由頭好食到落尾！

星期日一家四口傍晚到這店晚飯，時間早，我們坐了張圓枱，不過這店算是狹窄的。我們叫了菠蘿生炒骨、香茅雞翼、蒜蓉開邊蝦、干炒牛河、豉椒炒蟶子及豉汁蒸盲曹。開邊蝦及蟶子份量不少，可叫抵食。阿仔一邊食蝦，一邊讚好食。我就覺得味道正常啦！蟶子是細細隻的，份量足，但味道不鮮美。至於生炒骨，像平時兩餸飯盒的質素，味道一般。干炒牛河，不論是河還是牛都較淡味，而且炒到一舊舊。但十分欣賞的就是那條蒸盲曹，火喉時間掌握非常好，魚很滑，而且幾大條喎，只是六十多元。👍😋⋯⋯阿仔食得論盡，店員更細心遞上廁紙😊。離開時，店員還說復活節抽獎，拿出了攪珠機給孩子，最後話他們抽到一大一細獎😅⋯⋯我還以爲哄笑，轉身離開，原來真的有禮物😅。大仔很高興啊！能看出，這店是街坊們愛好的食店，不斷都來食客。

值得推介 食過好多次都要再encore!以5為最好，食物質素: 雖然佢係茶餐廳，但食物味道一d都唔輸蝕。小菜有鑊氣，份量又夠大碟! 1. 魚香茄子 - 足料2. 通菜牛肉 - 好多牛環境: 正常茶記，有小小迫，但可以接受。服務: 老闆伙記親切友善 近期過時過節都送小禮物俾小朋友，咁0既茶記值得加分!價錢:性價比好高! $50-$60一個晚餐，有湯，有餸，有飯，有0野飲，仲要食物質素好，冇得輸食後感: 我一定會再0黎囉！平靚正之選!