影片
更多
2018-12-04
275 瀏覽
幾個月前係元朗Yoho行街經過第一次見到：堪稱華爾街日報指為「越南胡志明市最好吃牛肉粉」，感覺十分自大，同埋聯想起食家蔡x先生都好似開咗間越南粉餐廳。假日同朋友經過屯市，竟然見依間第一牛肉粉分店開到入屯門，應該係新開冇乜人排隊，就入去一試門外已有大大招牌寫住「越南胡志明市最好吃的牛肉粉品牌」，雖然越南就未去過，試下係咪咁誇張！？餐廳裝潢都幾特色，牆上掛住竹席，櫈都係竹造，配埋不鏽鋼枱，又幾有越南風味令人諗起越南人係船上戴果啲竹帽食物款式唔多，河粉得牛丸/生/熟牛肉($60-70)，小食($30-40)，飲品($20-30)。正所謂貴精不貴多，如果係比心機做好幾味餸，已經夠打響招牌河粉得幾款，嗌咗綜合粉可以試齊牛丸&生熟牛肉，都只係貴咗$6。芽菜配料係要自取，咁都幾好，有得自己揀~朋友喜歡食芽菜就拎咗兩份，入面有紅辣椒+青檸+九層塔+鵝蒂(一種香草？)+芽菜。枱上有食法教學，先飲啖牛肉湯，真係好香濃牛味，飲得出真材實料煲。湯上面有層幾厚嘅油，就咁飲覺得有啲肥膩，加埋河粉一齊食感覺好啲。之前就將九層塔同香草撕碎，再吱啲青檸汁，加埋辣椒同芽菜拌勻。平時都係直接將配料倒曬落湯食就算，第一次食河
假日同朋友經過屯市，竟然見依間第一牛肉粉分店開到入屯門，應該係新開冇乜人排隊，就入去一試
門外已有大大招牌寫住「越南胡志明市最好吃的牛肉粉品牌」，雖然越南就未去過，試下係咪咁誇張！？
餐廳裝潢都幾特色，牆上掛住竹席，櫈都係竹造，配埋不鏽鋼枱，又幾有越南風味令人諗起越南人係船上戴果啲竹帽
食物款式唔多，河粉得牛丸/生/熟牛肉($60-70)，小食($30-40)，飲品($20-30)。正所謂貴精不貴多，如果係比心機做好幾味餸，已經夠打響招牌
錦麗綜合粉
$66
14 瀏覽
0 讚好
0 留言
河粉得幾款，嗌咗綜合粉可以試齊牛丸&生熟牛肉，都只係貴咗$6。
芽菜配料係要自取，咁都幾好，有得自己揀~朋友喜歡食芽菜就拎咗兩份，入面有紅辣椒+青檸+九層塔+鵝蒂(一種香草？)+芽菜。
枱上有食法教學，先飲啖牛肉湯，真係好香濃牛味，飲得出真材實料煲。湯上面有層幾厚嘅油，就咁飲覺得有啲肥膩，加埋河粉一齊食感覺好啲。之前就將九層塔同香草撕碎，再吱啲青檸汁，加埋辣椒同芽菜拌勻。
平時都係直接將配料倒曬落湯食就算，第一次食河粉都咁講究香草撕碎後，香味滲透係湯底中，令味道層次提升。芽菜粗而短，特別爽口同清甜，連埋洋蔥等食可以中和到牛嘅油膩感，建議放湯底浸一陣先食，如果唔係會有草青味。加埋微辣，同少少酸甜，調味果然唔錯
到重點牛肉三寶！牛丸真係好好食，係食過最正嘅牛丸牛味超級香濃，咬落去有肉汁爆出，應該混咗少少牛嘅肥膏，特別juice全餐最推介最好食係牛丸！另外，生牛肉(碗中間粉紅色部份)一落湯已經變色熟透，比較軟腍嫩滑，好似平時啲鮮牛咁~最後係熟牛肉，其實同牛腩差唔多口感同味道，一片片好易咬開。三款牛都好香牛味，唔通係煮法唔同定牛嘅來源唔同呢？真係特別好食啲
河粉正常滑溜，易成條夾起唔會斷開。平時比較少食河粉，最怕斷開一條條咁。
大蝦扎肉米紙卷
$30
12 瀏覽
0 讚好
0 留言
食越南嘢必吃之一米紙卷，$30兩件其實已經有4舊，每件都有半隻大蝦，顏色鮮明賣相吸引。依個米紙卷一定要沾點酸辣汁食！本身太乾，點完之後帶微微酸辣，好開胃蝦肉雖然得半隻，但都算結實爽口，配埋入面嘅扎肉、青瓜、粉絲同香草一齊食，口感非常豐富。米紙雖然冇味，但煙煙韌韌。整體配搭都幾好$30值得一試
法式牛油雞翼
$40
6 瀏覽
0 讚好
0 留言
原本冇諗住嗌雞翼，但隔離枱突然有陣香味傳出，一望先知係雞翼，就二話不說加單，連幾錢都未睇每隻雞翼上鋪咗牛油煮過嘅蒜蓉，香味不得了~雞翼新鮮炸成，熱辣辣外皮香脆，好惹味！之後睇返先知要$40，即係$10隻都幾貴，但每隻size都大同多肉，價錢尚可接受。
估唔到食個越南粉可以有驚喜，價錢唔算平，但質素好。唔知係咪胡志明市最好食，但係算係我係香港食過最好食嘅牛肉河
張貼
