胡爐 (已結業)

🇭🇰Hong KongAverage expense pp: HKD$400-500+📍Address: 胡爐, Tsim Sha Tsui已經係第二次嚟到呢間餐廳，同屋企人慶祝生日。不過我哋今次試咗新湯底，今次呢個新湯底有驚喜。胡椒豬肚花膠雞鍋，花膠好大塊超級足料，另外有原隻成碟雞上，雞肉碌一下就食得，依然嫩滑。花膠雞湯超級好飲，鮮甜濃郁，超級推介呢個湯底😋同上次一樣，一定要嗌佢哋嘅胡爐牛拼盤，非常豐富，一次過可以食到牛嘅不同部位包括極上手切牛頸背、牛胸爽丶牛舌芯、霜降牛粒以及安格斯手切肥牛，牛肉好優質，霜降牛粒肉味特別濃郁，手切肥牛入口充滿油脂甘香，牛舌芯嫩滑多汁。另外，餃子拼盤同埋丸類拼盤，同上次一樣咁出色，餃子拼盤係人手手工製作，新鮮製造，用料十足豐富，分別有鮮蝦雲吞、XO帶子餃、西芹餃子、魚皮餃，外皮薄內涵超級多，食完之後真係會想叫多一碟。丸類都係手工打出嚟，有黑松露墨魚丸、手打蝦丸、芝心丸超級流心，令人相當滿足！黃金炸魚皮非常好食，金黃香脆，入面仲有蛋黃蓉，非常香口！經理招呼態度好好👍🏻