新葉記大排檔

營業中

休息中

兩個人去叫餸食飯其實有時都真係好難搞，因為好多野都想食，但係又食唔晒，不過今日竟然食到一個小食兩個餸仲加埋一個湯都真係無得頂。小食就係韭菜豬紅，呢間嘅韭菜豬紅都唔錯，D豬紅有味但係又唔無太鹹，不過D韭菜就少咗D。第一個餸就係一個例牌嘅鹵水拼盤，入面有鵝腸、紅腸、豬耳仔、墨魚、豬大腸，另加大豆牙菜墊底。佢個鹵水只屬一般，好在唔係好鹹，不過明顯地唔香。全晚最掂係個胡椒豬肚湯浸花甲，D花甲比想像之中要多，都幾鮮味。個胡椒豬肚湯除咗D豬肚唔係好新鮮之外其他的都OK，胡椒味唔會太濃，鹹酸菜嘅味都算調得適中。叫埋2碗白飯每人$170左右，收貨啦。