麗島小廚 (已結業)

估唔到個胡椒豬肚雞煲整得咁好食，最重要係入面啲豬肚好多，而且啲豬肚都洗得好乾淨，有驚喜。啲雞肉好新鮮，侍應姐姐叫我哋個湯滾起先至放雞落去。放咗雞落去之後冚返蓋，等到個湯再滾起之後大概滾住咁多5至6分鐘就食得。本身雞湯就已經好鮮甜，加埋胡椒，就有一種驅寒嘅感覺。食夠雞飲夠湯之後就可以開始打邊爐，我哋叫咗炸魚皮、萵筍、雲吞拼韭菜餃同埋蝦滑。啲炸魚皮超級大塊，睇幅相feel唔到有幾大，不過真係好大。雲吞同埋韭菜餃都好新鮮，早知分別叫一份。一向都覺得萵筍打邊爐好正。蝦滑好新鮮，一份有兩條好抵食。