影片
更多
2023-02-03
430 瀏覽
🌟餐廳：胡爐📍地址：銅鑼灣耀華街3號百樂中心3樓💰價位：～$200 - $400⏰營業時間：星期一至日17:00 – 23:45📱電話：2757 2988呢幾日天氣又凍返，即刻約Friend去打邊爐取取暖先！！今日去開銅鑼灣shopping，我地就揀左呢間位於百樂中心既「胡爐」，一黎鄰近地鐵站夠哂方便，二黎我都幫襯過佢地尖沙咀既分店，湯底及食物質素都好好! 行完街即刻去歎返個暖笠笠既火鍋先~———————————————————🔹火鍋醬料一坐底，店員就即刻送上一個擺放各款醬料既木架，有齊自家制辣椒油、蒜蓉、炸蒜、花生醬、沙嗲醬、蔥花及芫茜等等~客人可以按自己既喜好，配搭出岩自己心水既火鍋醬料，好貼心~———————————————————🔹日式蕃茄沙律打邊爐之前，當然要叫返個小食開下胃先~ 呢款冷盤日式蕃茄沙律，夠哂新鮮健康，餐廳用上醋、蔥花及蒜蓉調制成醬汁，微微酸辣，既開胃之餘亦好惹味!———————————————————🔹胡椒豬肚花膠雞鍋呢款湯底夠哂暖笠笠，胡椒味濃好醒神~材料夠哂豐富，有花膠、半隻雞、豬肚、咸菜及胡椒粒，湯底微微辣而且胡椒味十足，夠哂惹味~朋友仔都忍唔住飲返碗湯
📍地址：銅鑼灣耀華街3號百樂中心3樓
💰價位：～$200 - $400
⏰營業時間：星期一至日17:00 – 23:45
📱電話：2757 2988
呢幾日天氣又凍返，即刻約Friend去打邊爐取取暖先！！今日去開銅鑼灣shopping，我地就揀左呢間位於百樂中心既「胡爐」，一黎鄰近地鐵站夠哂方便，二黎我都幫襯過佢地尖沙咀既分店，湯底及食物質素都好好! 行完街即刻去歎返個暖笠笠既火鍋先~
———————————————————
🔹火鍋醬料
一坐底，店員就即刻送上一個擺放各款醬料既木架，有齊自家制辣椒油、蒜蓉、炸蒜、花生醬、沙嗲醬、蔥花及芫茜等等~客人可以按自己既喜好，配搭出岩自己心水既火鍋醬料，好貼心~
———————————————————
🔹日式蕃茄沙律
打邊爐之前，當然要叫返個小食開下胃先~ 呢款冷盤日式蕃茄沙律，夠哂新鮮健康，餐廳用上醋、蔥花及蒜蓉調制成醬汁，微微酸辣，既開胃之餘亦好惹味!
———————————————————
🔹胡椒豬肚花膠雞鍋
呢款湯底夠哂暖笠笠，胡椒味濃好醒神~材料夠哂豐富，有花膠、半隻雞、豬肚、咸菜及胡椒粒，湯底微微辣而且胡椒味十足，夠哂惹味~朋友仔都忍唔住飲返碗湯先，實在太暖胃啦，超溫暖!
———————————————————
🔹胡爐牛拼盤 (極上手切牛頸脊、安格斯手切肥牛、牛舌芯、牛胸爽及霜降牛粒)
一於叫呢款餐廳主打既胡爐牛拼盤先~拼盤包含各款牛肉既部位，歎盡唔同質感及牛味既牛肉~
我地最鍾意極上手切牛頸脊，雪花均勻分布，手切厚度適中，牛肉味及牛脂白味最為濃郁，必試!
———————————————————
🔹招牌特色丸類拼盤
提供5款手打丸，分別有黑松露墨魚丸、手打墨魚丸、芝心蝦丸及梅菜豬肉丸~每款丸類用料十足，夠哂真材實料！我就最鍾意 芝心蝦丸 同埋 梅菜豬肉丸~兩款丸都好爽彈好有嚼勁，特別係梅菜豬肉丸，夠哂創新，入口啖啖梅菜香味，搭配爽滑既豬肉，好出色！！
———————————————————
🔹招牌特色餃類拼盤
呢個拼盤可以試勻哂各款招牌手工餃子~分別有黑松露蟹肉餃、手工雲吞、自家製韮菜餃及香荽豚肉餃，每一款餃子都包到脹卜卜～我覺得手工雲吞最正，蝦肉大大隻而且夠爽彈，食落好有滿足感！
———————————————————
🔹蔬菜拼盤
有齊菜心、唐生菜及娃娃菜，岩哂鍾意食菜既我地~蔬菜索盡胡椒湯底味，好惹味好滿足~
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
呢間「胡爐」食物水準好穩定，每次黎都食得好開心好滿足~重點係佢地既湯底，每一款湯底都用料十足，夠哂滋補養生，食完暖笠笠，大推~
張貼
