影片
更多
2013-03-04
370 瀏覽
單睇個名有啲似間中菜館，其實佢喺間多功能茶記，點多功能？唔喺話粥粉麵飯、奶茶咖啡、早餐午餐茶餐晚餐、小炒蒸餸……多款式多選擇嘅意思，而喺作為一間茶記，夜晚變為糖水鋪，間唔時仲提供埋BBQ、盆菜宴、火鍋、私房菜、特色中菜如豬肚雞……等等，主理人叫「能叔」,只要你提出，佢識得整嘅，都會盡量做好，真喺能伸能縮。小弟都喺第一次跟教會朋友嚟，原先安排好依晚燒嘢食，正考慮去邊個燒烤場時，有組員話可以試吓青衣涌美村嘅「名坊」，青衣站搭十零分鐘巴士就到，幾方便，而且無大型燒烤場咁嘈雜。果然環境唔錯，其實名坊立處青衣一啲舊村落，幾層高村屋嗰隻，所以鋪前空地多，燒烤位置就正正晌鋪頭門口，能叔補充話地方所限，一晚頂多開兩個爐，不過，開一個爐都當包場。佢同出面嘅燒烤場唔同，唔喺任食，而喺好似幫襯佢買份燒烤包咁，有乜乜物物，另包汽水、炭、燒烤叉。而燒烤餐有2款：經濟（$90 /位）同海鮮（$110 /位），前者就基本啲，後者晌基本之上加入少少時令海鮮，如：時令鮮魚、大蜆、貴妃蚌等等；當然有咩想燒想食，都可以儘管提出，價錢就另議啦。能叔又好彈性喎，訂燒烤餐又唔喺斷人頭計喎，即喺你10人去，可以只訂8個餐都得咁話，
小弟都喺第一次跟教會朋友嚟，原先安排好依晚燒嘢食，正考慮去邊個燒烤場時，有組員話可以試吓青衣涌美村嘅「名坊」，青衣站搭十零分鐘巴士就到，幾方便，而且無大型燒烤場咁嘈雜。果然環境唔錯，其實名坊立處青衣一啲舊村落，幾層高村屋嗰隻，所以鋪前空地多，燒烤位置就正正晌鋪頭門口，能叔補充話地方所限，一晚頂多開兩個爐，不過，開一個爐都當包場。
佢同出面嘅燒烤場唔同，唔喺任食，而喺好似幫襯佢買份燒烤包咁，有乜乜物物，另包汽水、炭、燒烤叉。而燒烤餐有2款：經濟（$90 /位）同海鮮（$110 /位），前者就基本啲，後者晌基本之上加入少少時令海鮮，如：時令鮮魚、大蜆、貴妃蚌等等；當然有咩想燒想食，都可以儘管提出，價錢就另議啦。能叔又好彈性喎，訂燒烤餐又唔喺斷人頭計喎，即喺你10人去，可以只訂8個餐都得咁話，不過，額外嗰2個需收回$35當喺基本消費，碳、叉、餐具等等都會用嘛。
講番個經濟燒烤餐，基本嘢有成9樣：豬頸肉、豬扒、牛扒、芝士腸、雞肉腸、什丸、雞中翼、粟米、蕃薯，另外每兩位送一包蒜蓉芝士什菇，全部都醃好晒，包好晒。以份量而言，一個人都好夠食，而質素方面，屬中上水準，至少啲醃肉都唔會單一味道。
晌名坊除咗無咁嘈之外，最大優勢喺配套多，如天氣熱，可入鋪內涼吓冷氣，而且周圍都喺枱，地方又光猛，唔似有啲燒烤場「黑媽媽」，都唔知啲嘢燒得熟未，又有齊刀叉筷子碗碗碟碟，鍾意叫杯檸茶又得（另收費），鍾意叫個煲仔飯食都得（另收費），或者臨尾添碗生滾粥、西米露、芒果布甸……都無問題，總之鋪內有咩賣都可以另叫，幾方便呀。
能叔今晚興之所致，生磨咗一煲芝麻糊請我哋食，雖然好杰又唔太滑，賣相唔多討好，不過，芝麻味之強勁確喺幾厲害！
題外話/補充資料：
青衣站搭249M巴士，康富樓落車，經行人天橋過對面就搵到。
(以上食評乃用戶個人意見 , 並不代表OpenRice之觀點。)
張貼
