百樂潮州酒樓 (希慎道) (已結業)

與朋友聚會約在銅鑼灣，立即想起這老店都有一段時間沒光顧。經OpenRice訂位方便快捷。那天剛好有客人包咗左右兩邊的地方，我哋只可以坐在中間的位置（門口直入的長廊）。因有一邊係用推板間房，所以聲音比較開陽，整晚坐外邊都比較嘈。眼見有些客人速食完就走。食物方面，保持水準，唔錯，樣樣都熱辣辣。湯叫咗胡椒豬肚湯，豬肚無腥味，好正。滷水雙拼（鵝翼、五花腩有豆腐墊底），味道恰到好處，不會太咸，又係值得叫的。蠔仔粥食得出新鮮無腥味，發菜豆腐煲、燒骨也不錯，只係個什麼雙拼炸蝦丸之類就失色咗D，平平無奇。服務方面，可能坐廳的人客不多，叫加潮洲功夫茶/普通茶也快手快腳，也有更換碟，只是上蠔仔粥時要叫加多幾隻碗。離開時也有主動說聲bye bye。店內地方整潔。晚飯價錢中上，但值得，可以推介給其他朋友。