辦館 (KC100) (已結業)

因附近有藝術品展覽，俾人感覺有文藝氣息，加上位置獨特，偶有陽光射入，適合一個人靜靜地看書或發呆。法式百里香烤春雞配薯蓉烤雞通常煮得唔好會乾柴，不過呢個唔會，肉質偏腍，未入口有陣百里香味，而薯蓉比一般食開嘅滑，有綿的有大舊少少的薯粒，細膩中帶點實感。紅酒燴澳洲和牛臉頰配薯蓉臉頰肉口感腍，味道接近台式牛腩麵嘅牛肉，咁啱朋友做完補牙手術，佢覺得好ok😂醬汁份量都多，一般好少食出面餐廳啲蔬菜，但西蘭花煮得好好味👍🏻熟透唔黃又易咬，很想問師傅點整。午巿套餐跟餐湯椰菜花湯很特別，唔會太過清新蔬菜感，但味道濃郁、鹹鹹哋嘅暖湯水☕️