Amber Coffee Brewery (已結業)

以前辦公室喺上環，成日想搵一間除咗連鎖店以外有水準嘅咖啡鋪。有一日路過見到依間依度，見到裡面擺咗幾個獎杯，一睇之下原來系佢地出去比賽嘅得獎獎狀。於是入去要咗一杯flat white。一飲之下就成咗呢度嘅忠實粉絲。依度用嘅咖啡豆有好多款，每一款都有佢唔同嘅烤焗方法同埋時間，咖啡師都好細心用適當嘅方法去調配不同嘅咖啡豆。可以喺每一杯咖啡裡面飲得出咖啡師落咗嘅時間同埋心機。我自己最喜歡嘅除咗flat white之外，依度嘅ice cappuccino 也做得非常出色。有時候不介意脂肪含量高一點的時候，呢度嘅ice cappuccino 除咗咖啡香濃以外，還會用小小嘅雪糕去打成一杯凍飲，邪惡但真的回味無窮。最後小編特別推介的是依度嘅ice black，好彩嘅話仲會用上一啲比平時靚嘅咖啡豆沖成嘅ice black，包你一試難忘。