荃灣古法雞蛋仔 (已結業)

上星期同朋友去荃灣行街，經過呢間鋪頭，見到有雞蛋仔賣，就去試下朋友要左原味雞蛋仔，我就要左朱古力夾心雞蛋仔朋友ge雞蛋仔係預先整定，所以即刻有得食。(原來可以要求即製)我地邊食邊等朱古力味出爐...講番原味 雖然係預先整定 但都仲好熱好脆卜卜 每一粒都好似蛋糕仔 睇得出係落足料ge^^等左幾分鐘，朱古力味已經整好啦，原來每一粒雞蛋仔入面都有朱古力粒 好香、好脆雖然$16蚊貴左少少，但耐唔耐食一次都唔太大問題。另外，老闆態度十分友善，同我地講大約會等幾耐，而見好有禮貌，同我地講多謝下次經過都應該會幫襯呢間舖頭^^