薄餅怪獸

營業中

休息中

有冇諗過食Pizza 叫厚批都可以係唔油既？呢度真係第一個。用料充足就唔講啦，見到都知。咬落鬆脆得來又唔會油淋淋，而且冇咗芝士嗰種好黐立立嘅感覺。而且夠晒熱辣辣同脆卜卜。叫左個是日餐湯做開胃菜，當日嘅餐湯就係菜湯。意外發現佢個味似羅宋湯但係又冇果種辣既感覺，飲落去仲要清清地。非常開胃。之後你嘅第一杯凍奶茶，本身睇落去都冇咩特別。但係飲落去就覺得非常之香滑仲有一種冰鎮奶茶嘅感覺。小食方面就叫咗檸檬雞翼，感覺係好似西檸雞嘅味道。但係又唔會話太甜同癡粒粒味道同雞翼係非常之夾。煮食就叫左海鮮闊條麵，海鮮用料十足配上醬汁同個闊條麵非常之配合。食落去都唔係話好滯而且食咗一啖才會想再食多一啖。