影片
更多
2018-02-15
272 瀏覽
早半年前，到訪過中環擺花街嘅「Springfields」，一次過試晒鹹甜兩款做法嘅法式薄餅，有驚喜之餘，印象深刻，而且佢哋嘅二人餐又真哋抵。今晚，再拉埋窩夫控嘅表姨甥女走到嚟第二街嘅「Crispy Bistro」，既食窩夫，又嚐法式薄餅，佢晌港大讀書，搵佢就最就啱喇。同擺花街一樣，一入夜，第二街都喺咁靜。自有地鐵到西環呢區，都多咗少少機會過嚟，所以，對此區亦唔會太陌生。晌門口往內看，就會發現呢度既喺酒吧，又喺咖啡店，裝飾亦頗有個性。左邊喺酒吧，甚有小酒館嘅風情，吧前嘅高腳櫈都印上唔同圖案，喺一份小心思。另一邊牆上，掛上反映本地景色嘅油畫，好有文化氣息。走入啲，一轉角，牆邊一個大木櫃，櫃上黐咗好多即影即有照片，以及乾花擺設（原來喺寄賣嘅手作），甚至蝴蝶標本都有，猶如人家嘅小屋，甚有歐洲風情。餐廳尾，牆身鋪上綠色馬賽克階磚，更有個露天小花園，非常別緻嘅小空間，喺文青天地。如果日頭嚟，坐晌呢度食個下午茶，漫活一下！就連餐枱都鋪上富歐洲色彩嘅磁磚，加上枱邊營造出歲月痕跡（我估？），讓人有錯覺彷如走到一家歐洲小館。餐牌有兩組，白色嘅喺食物，分別有Savoury Set、Light Meal、Se
同擺花街一樣，一入夜，第二街都喺咁靜。自有地鐵到西環呢區，都多咗少少機會過嚟，所以，對此區亦唔會太陌生。晌門口往內看，就會發現呢度既喺酒吧，又喺咖啡店，裝飾亦頗有個性。
左邊喺酒吧，甚有小酒館嘅風情，吧前嘅高腳櫈都印上唔同圖案，喺一份小心思。另一邊牆上，掛上反映本地景色嘅油畫，好有文化氣息。
走入啲，一轉角，牆邊一個大木櫃，櫃上黐咗好多即影即有照片，以及乾花擺設（原來喺寄賣嘅手作），甚至蝴蝶標本都有，猶如人家嘅小屋，甚有歐洲風情。
餐廳尾，牆身鋪上綠色馬賽克階磚，更有個露天小花園，非常別緻嘅小空間，喺文青天地。如果日頭嚟，坐晌呢度食個下午茶，漫活一下！
就連餐枱都鋪上富歐洲色彩嘅磁磚，加上枱邊營造出歲月痕跡（我估？），讓人有錯覺彷如走到一家歐洲小館。
餐牌有兩組，白色嘅喺食物，分別有Savoury Set、Light Meal、Set for Two及Sweet Treats，人少嘅話，食個輕便餐就得，人多就不妨考慮二人餐。
而黑色嘅喺飲品，酒精類有啤酒、紅白餐酒、烈酒及雞尾酒，非酒精方面，有咖啡、茶、果汁供選擇。
晌Light Meal一頁，有一款Fresh Grilled Sandwich，每款只賣$46，一款包配一款餡料，睇落啲餡料又頗有特色。因為見個二人餐都十分抵食，又怕怕哋唔夠飽，就單點多一客三文治。
Fresh Grilled Sandwich $46包款揀咗Panini，餡料就選上鷹咀豆配希臘羊奶芝士，賣相幾清新，因為加入大量沙律菜及車厘茄，而沙律菜亦混入油醋撈過。
Fresh Grilled Sandwich
$46
9 瀏覽
0 讚好
0 留言
我哋揀咗其中一款二人餐， Crispy Crepe Breakfast + Sweet Homemade Waffle嘅一鹹一甜組合（$189），並包兩杯飲品。
Crispy Crepe Breakfast（套餐）先嚟一份鹹點「早餐」，其實，跟一般「全日早餐」類似，多樣性食材，包括豬肉腸、焗茄汁豆、炒蛋、薯餅、沙律菜，再加份鹹食嘅法式薄餅，睇起嚟都頗豐富。豬肉腸食得出唔喺啲平價貨，腸衣脆，有肉香，而炒蛋做得幾滑；件法式薄餅幾香，裡面夾咗少少肉，但感覺比較乾身，上次晌Springfields所食嘅鹹薄餅，加份蘑菇、少少醬汁，感覺會好啲。
Sweet Homemade Waffle（套餐）窩夫則有3款口味供選擇，老實講，幾款都吸引，但最後揀「Mixed Nuts Honey and Nougat Ice Cream」，因為咁嘅配搭比較少食。窩夫上枱，賣相幾靚仔，灑上好多雜果仁，有杏仁、腰果、花生，款款都香脆可口；雪糕喺比利時品牌，雖然唔認識，但有質素，軟滑而富牛奶香，鳥結口味有種甜甜蜜蜜嘅味道，再淋上蜜糖（似喺楓糖），味道變得特別清甜；講到啲窩夫，脆口有蛋香，整道窩夫都有驚喜，表姨甥女非常滿意。
Sweet Homemade Waffle
24 瀏覽
2 讚好
0 留言
餐飲，表姨甥女揀熱嘅伯爵茶，暖暖心窩。小弟對茶品認識就唔多，但至少睇見佢哋所用嘅茶包「La Via del Tè」，上網睇睇，喺嚟自意大利嘅品牌，唔喺啲普通大路貨色，就知店主喺有要求嘅人啦！
Latte（套餐）+$5小弟都喺想揀杯鮮奶咖啡，尤其配道窩夫，更喺夾到痹。拉花雖然唔細緻，但奶泡撞入濃縮咖啡度嘅手勢唔錯，完全唔使攪，入口味道均勻，咖啡味醇香不俗。
整體而言，食物都做得用心，用料亦見誠意，不過，仲有啲改善空間，相信可以做得更好。但環境、招呼依兩方面都喺加分位。難得寧寧靜靜，同表姨甥女有幾啱傾，對飲飲食食更喺臭味相投。
張貼
