宏發燒臘飯店 (已結業)

星期六喺銅鑼灣行完街拎住好多戰利品，想搵地方食個快飯，比我發現義順隔離原來有間燒味店！地方光猛乾淨，唔會好麻甩，見有位就入左去～餐牌好多選擇，其中一個餐叫「綠色有盈套餐」：2款燒味配飯/粉，送菜同飲品/湯。見呢個餐幾抵又有野飲，於是我點左"乳豬+貴妃雞 配瀨粉" 。瀨粉湯底好清，無咩味精；乳豬皮好薄脆，肉質好滑嫩，脆瘦適中食落無油膩感，點埋燒汁醬食好惹味；貴妃雞正好係脾位，岩晒我因為我最怕食雞胸肉～脾肉好滑，連埋上面d蔥食仲香口。我點左個熱飲，唔使加錢～佢仲有好多燒味選擇，下次有埋阿爸試下先～