東京淺草炸雞專門店 (禾輋廣場) (已結業)

今日行經禾輋，原來開咗淺草炸雞，隔離仲有日式銀咖哩，兩間都好食。淺草炸雞食過黃大仙及荔枝角兩間分店，今日食埋呢間，三間水準都一樣咁好味，點了我最愛的南蠻炸雞（雞扒），及鹽味果醬炸雞（雞脾肉件）。皮脆肉滑，非常好味。😋😋K記，M記嘅炸雞根本無得比。炸雞應該係即炸，等了十五分鐘才上菜。疫情關係，政府實施二人一枱，無打針又唔入得食肆，又禁六點後堂食，好多食肆都生意難撈，希望佢頂得住唔駛執，否則大眾又少咗個平靚正選擇。