2派克雞排

營業中

休息中

行去何文田地鐵站嘅途中，聞到好香，忍唔住去飄過去睇下~睇到個餐牌，有得揀調味粉，好吸引~揀完之後，店員姐姐好nice地強調佢地係即叫即炸，所以要耐心等侯一下~ 好野唔怕等嘅，即管等下睇下有冇料~返到屋企即攤開黎食，超香！仲係熱辣辣 & 脆嫁~🔹脆皮無骨雞腿排🔹 一咬落去嗰下，個皮真係仲脆嫁！配左紫菜粉，食到本身嘅鹽酥香味~仲有好香嘅紫菜味~因為係雞脾肉又無骨，啖啖肉好正！食左幾啖都唔覺得油膩，同其他食過嘅真係唔同喎~🔹脆皮杏鮑菇🔹 配左梅子粉~ 真心正！未試過呢個味道~酸酸地咁，加上杏鮑菇嘅juicy,味道好突出，一啲都唔油膩！Keep住食唔停口！🔹脆皮百頁豆腐🔹本人偏好百頁豆腐~配左wasabi 粉~唔會好攻鼻，但又有啲刺激~百頁豆腐好Q彈，加埋脆脆外皮！不得了！真係食到唔停口！自己一個人清碟！其實買完先睇到原來可以每樣野食可以揀2種味粉！下次要試多啲味，同仲有好多野想試呀！