影片
更多
2021-11-25
441 瀏覽
如心廣場越開越多食肆，哩間行過幾次都好多人排隊，網上食評又好壞參半。見價錢幾平，而且我12點前到達，所以無嘜人又唔使排隊就入內一試。環境潔淨，坐位唔太迫。睇完餐牌落order就見坐無虛席。跟餐有野菜豬肉湯，湯底係麵豉湯有白蘿蔔，紅蘿蔔，洋蔥同肉片，好多料，但個人唔太喜歡麵豉湯。鐵板滑蛋鰻魚定食，鐵板菜式通常都係好熱，但哩個鰻魚定食嚟到只係暖，鰻魚味道普通但個鰻魚汁甜甜哋用嚟送飯都幾好，碗飯都幾大碗，一般男士都夠食。吉列炸蝦豬扒定食有兩隻吉列蝦同一大塊吉列豬扒，份量十足。蝦同豬扒都炸得好脆唔多油，蝦爽口彈牙，豬扒軟腍，外脆內軟。枱面有中華沙律汁配一齊食就更正。小食叫咗唐揚炸雞，一碟有5件，外層上咗薄粉炸，雞皮炸得香脆，雞肉軟滑好juicy。今餐所有炸物都做得出色，鰻魚就比較遜色。份量價錢都適中，唔使排隊等都食得過。
環境潔淨，坐位唔太迫。睇完餐牌落order就見坐無虛席。
跟餐有野菜豬肉湯，湯底係麵豉湯有白蘿蔔，紅蘿蔔，洋蔥同肉片，好多料，但個人唔太喜歡麵豉湯。
鐵板滑蛋鰻魚定食，鐵板菜式通常都係好熱，但哩個鰻魚定食嚟到只係暖，鰻魚味道普通但個鰻魚汁甜甜哋用嚟送飯都幾好，碗飯都幾大碗，一般男士都夠食。
吉列炸蝦豬扒定食有兩隻吉列蝦同一大塊吉列豬扒，份量十足。蝦同豬扒都炸得好脆唔多油，蝦爽口彈牙，豬扒軟腍，外脆內軟。枱面有中華沙律汁配一齊食就更正。
小食叫咗唐揚炸雞，一碟有5件，外層上咗薄粉炸，雞皮炸得香脆，雞肉軟滑好juicy。
今餐所有炸物都做得出色，鰻魚就比較遜色。份量價錢都適中，唔使排隊等都食得過。
張貼
