德國餐廳 (已結業)

晚上八點，兩公婆一早book左位，店鋪細細，除了留左張枱比我地，其它枱都坐滿人。。未去前，都睇過下comments，所以好快已落order，豬手必叫，再叫多乜super german sausage，自己再叫杯furstenberg，老婆就一支lemon lime，先比杯酒飲下，幾大杯，約800/900ml，味道淡淡，又唔會有種（鐵）味，不錯，但可能用團購劵，要正價六十幾，如果可以計五十幾，仲低。。。等左十分鐘，先上腸仔，有五六款啦，有d味似司華力腸，有d就似普通雞肉腸，如果問邊條好味，真係唔識講。。。過多陣，上埋豬手，肉就離骨了，方便客人食，皮脆，肉香，加上有少少（諗）口，點落汁到，好味，但真係要快食，因凍左，味道同(諗)口無咁好，其次有時有人話味道似燒肉，又唔係呀，整體不錯，加上以團購買，埋單連團購錢實比左三百幾。。P.S. 有人話服務唔好，講真，人手得2個，忙d，但都好客氣對食客