帝樂 - 德國餐廳 (美利樓) (已結業)

久違既赤柱一日遊，試吓呢間食德國鹹豬手出名既餐廳。同朋友加埋兩位就點左以下菜式：脆皮燒豬肘配酸椰菜及薯仔（兩位用）幾乎每一枱客人都有點既，份量足夠3個女仔食，豬手炸得好香，豬皮好脆口，肉質充滿鹹香，酸椰菜可以解解膩，薯仔係炸好左既薯角，都係新鮮炸起。店員好細心，會問你需唔需要影左相再切開，唔怕自己切豬手，會論盡👍🏻是次Menu 包埋自助沙律吧，餐湯，飲品及甜品。 自助沙律吧可選菜式種類唔算多，餐湯都一般，甜品反而有少驚喜，有焦糖布甸加朱古力蛋糕。總括而言，餐廳價格相宜，環境坐得舒服，揀outdoor 可以望到海景，好適合再次黎同朋友聚聚