新英記茶餐廳 (已結業)

因為今朝好早就食午餐，兩點幾個肚餓度打鼓，係銅鑼灣行完街，每次經過都好想幫親，入到去乾淨舒適，但啲位就太細（無計啦，對面就係利苑，啲租應該貴到暈，有得坐已經好好啦哈哈），侍應都係一啲比較成熟的伯伯，好有懷舊feel，我order左一個豬扒包，因為我坐係較接近水吧，我看見豬扒包係由水吧師父負責，見佢好有心幾把材料整好然後中央切一刀，放上碟，見到都流口水。一大啖咬落去，塊豬扒仍然熱辣辣，內脆外軟。超正。沙律醬唔太多唔太小，啱啱好。下次又多一個地方歇腳啦。這裡有一樣唔好，菜單suppose有啲set，但係週末係不可以叫的，並且，價錢都算係偏貴（無計啦，對面就係利苑, 希望佢地唔好輸比地產霸權啦）。