滿樂中菜 (已結業)

難得和好友慶祝生日，當然要選佢喜愛嘅中菜，由於大都係尖沙咀工作，就決定上網搜尋特別嘅中菜廳。見到西九龍戲曲中心內有中菜廳，地點夠晒特別，就決定試試。我地放工七點左右到達，戲曲中心從柯士甸站一出就到，好方便。由於現時無劇目上演，戲曲中心都沒有人，非常寧靜。中菜廳位於1樓，門面好大，餐廳面積寬敞，店內以綠色和白色作主調，天花以流線型的燈光配上蓮花和月劇名伶的牆畫，清雅恬靜中帶點中國特色。餐廳職員推介了幾款必吃菜式，點菜就交由壽星發板。招牌杏汁燉白肺湯 ＄88位杏汁燉白肺湯由於工序復雜，大部分中式酒樓都無提供，難得見到有供應，當然要試。雪白色的湯散發著濃濃的杏仁香，湯內有3塊豬肺，湯好滑好香，杏仁味比我想像中還要濃，湯底還能嚐到杏仁渣，而豬肺十分彈牙嫩滑，口感非常好，這碗湯係我飲過同類入面最出色。脆皮燒腩仔 ＄98燒腩仔嘅皮烤得好脆，入口鬆脆到化，而且肉質肥瘦相隔得好好，一層肥一層瘦，又不會醃得過鹹，所以能吃出肉的香味，我地一口接一口，眨眼已經食晒一碟🤣鴛鴦胡椒焗蝦 $198一上桌打開蓋已經聞到陣陣胡椒香味，每隻蝦都沾上胡椒粒，開始還估計會辣，原來只有胡椒香而不會辣，好特別。蝦肉爽口