影片
更多
2020-12-09
663 瀏覽
之前假日有朋友喺呢度攪左個包場party，同我哋一齊慶祝生日， 咁知道呢度原來係食點心嘅，咁我就帶咗媽咪一齊喺度食點心。 咁呢度地方都算機寬敞都坐到好多人。咁我要咗個套餐包括鳳爪排骨飯加蟹籽燒賣王飲品熱奶茶, 燒賣的鮮蝦加上蟹籽舖在肉面上， 食落去個口感嘅都唔錯，啲蟹籽好似爆炸糖咁樣喺口中爆破， 令味道更加有層次，我覺得呢個燒賣嘅水準不錯。 至於個鳳爪排骨飯 ，咁個飯就比較乾身，唔算話太油 ，鳳爪同排骨嘅比例亦都算平均， 所以已套餐嚟講我覺得都算係抵食。皇廷蝦餃皇: 呢個蝦餃我覺得細細粒， 可以一嚿擺落個口度食， 蝦餃皮唔算太厚，但係佢個蝦就幾新鮮同爽口的。 如果有埋辣椒油就更加好。韮王鮮蝦腸粉: 呢個腸粉同之前嗰個蝦餃都一樣，啲蝦鮮爽彈牙， 呢個腸粉皮 我覺得都算薄 ，水準唔錯。鮮蝦腐皮卷: 呢一個腐皮卷，我就最鍾意因為裏面嘅腐皮有濃沃嘅鮮竹味， 最令我驚喜就係佢呢個腐皮唔算厚，而且皮薄薄地 仲有就係佢唔係炸到好有諗諗 所以我幾推薦呢個腐皮卷。松露野菌餃: 其實呢個野菌餃同蝦餃差唔多 不過佢就少啲蝦而有多咗好多雜菌 熱最大特色就係有好香嘅松露味 所以我都幾鍾意食呢個野菌餃。豬骨湯鮮竹
咁我要咗個套餐包括鳳爪排骨飯加蟹籽燒賣王飲品熱奶茶, 燒賣的鮮蝦加上蟹籽舖在肉面上， 食落去個口感嘅都唔錯，啲蟹籽好似爆炸糖咁樣喺口中爆破， 令味道更加有層次，我覺得呢個燒賣嘅水準不錯。 至於個鳳爪排骨飯 ，咁個飯就比較乾身，唔算話太油 ，鳳爪同排骨嘅比例亦都算平均， 所以已套餐嚟講我覺得都算係抵食。
皇廷蝦餃皇: 呢個蝦餃我覺得細細粒， 可以一嚿擺落個口度食， 蝦餃皮唔算太厚，但係佢個蝦就幾新鮮同爽口的。 如果有埋辣椒油就更加好。
韮王鮮蝦腸粉: 呢個腸粉同之前嗰個蝦餃都一樣，啲蝦鮮爽彈牙， 呢個腸粉皮 我覺得都算薄 ，水準唔錯。
鮮蝦腐皮卷: 呢一個腐皮卷，我就最鍾意因為裏面嘅腐皮有濃沃嘅鮮竹味， 最令我驚喜就係佢呢個腐皮唔算厚，而且皮薄薄地 仲有就係佢唔係炸到好有諗諗 所以我幾推薦呢個腐皮卷。
松露野菌餃: 其實呢個野菌餃同蝦餃差唔多 不過佢就少啲蝦而有多咗好多雜菌 熱最大特色就係有好香嘅松露味 所以我都幾鍾意食呢個野菌餃。
豬骨湯鮮竹卷: 鮮竹卷的腐竹比較嫰薄新鮮， 同腐皮卷一樣有濃厚嘅鮮腐竹味道 ， 唯一唔同嘅就係佢有豬骨湯，飲落個豬骨湯都幾鮮甜 ，所以我覺得嚟到呢間餐廳，腐竹先係我嘅最愛。
最後呢度啲點心我覺得都幾好食， 我就鍾意腐皮卷或鮮竹卷 ， 不過如果佢啲茶可以再濃多少少， 我覺得可能仲好過茶樓 ，而佢哋都有包埸派對，星期一至六 (5pm - 10pm)，星期日 (11am - 10pm)。 咁見到呢家疫情同經濟都咁嘅樣，大家可以不妨支持下啲小店。
張貼
