北京樓 (歷山大廈)

營業中

休息中

腦細特別中意食中菜，次次食飯唔係上海野就北京野，今次又係意料之中既北京樓。先黎一個唔係次次都會點既片皮鴨。鴨肉香味真係非常吸引，上枱聞到就忍唔住要起筷，少少的外皮油脂加上結實的鴨肉，夾埋煙煙un un的餅皮，正呀！我最中意一次過夾3片肉，一小束大蔥，再加埋少少醬汁，食3件就投降。呢個唔記得係咩名，煙燻冷盤黎既，味道都唔錯。再黎一個係我至愛既回鍋肉，味道似之前係大陸食個種，辣得黎唔會入唔到口，層層分明的豬肉完全唔會覺得太油膩，加埋吸哂辣味的菜，可以配2碗白飯一齊食。呢個鍋貼好多汁，食個時差D唔小心彈到自己！皮薄，餡都好扎實，不過我本身對鍋貼無咩興趣，所以食左半隻就算。高力豆沙，外層蛋味非常濃郁，入口軟軟綿綿好似海綿咁，最重要係即炸即上，入口熱辣辣就自然好味。