影片
更多
2014-01-12
1171 瀏覽
牛腩，可以話係喺絕大部分茶餐廳、大牌檔同港式粉麵店都有得售賣，亦連繫左部分香港人既回憶。看似平凡既牛腩，其實絕不平凡，要做得好，何其簡單？其實牛腩新鮮定雪藏、熬既時間、唔同部位以至唔同牛既品種都會對牛腩既好食程度有所影響。試問大家，好食既牛腩，大家覺得香港有幾多間做到？過去幾年我去到港九新界，心水只有幾間，呢間係其中一間。群記清湯腩門面想食呢間食店既人要注意既係，開店時間係星期一至六既下午一點，有時會提早少少比食客入內，星期日休息。雖然食店寫明話開到夜晚八點，但如果食店既貨源賣晒會提早收鋪。所以要食就趁早！同埋有時會幾多人排隊，可能要等成半個鐘先食到，食店入面得大約五張枱，必須搭枱，而服務方面雖然落單既人木口木面咁，但不能奢求甚麼服務既，主要係為左食物先嚟。牛爽腩河 ($45)食牛腩最好當然係叫爽腩，好多人唔知爽腩係咩，其實即係崩沙腩，係位於牛肚腩，近橫隔膜既位置，較一般牛腩更為罕有。爽腩顧名思義，食落確實係比一般牛腩更為爽口，肉質嫩滑，腍得嚟唔會無左肉既應有質感，完全唔chewy！而呢碗湯底亦都係做得好，望落有少少油，全因用上五十幾斤牛骨熬成，飲落濃稠漿口，牛味幾香濃。河粉唔會太腍亦
群記清湯腩門面
想食呢間食店既人要注意既係，開店時間係星期一至六既下午一點，有時會提早少少比食客入內，星期日休息。雖然食店寫明話開到夜晚八點，但如果食店既貨源賣晒會提早收鋪。所以要食就趁早！同埋有時會幾多人排隊，可能要等成半個鐘先食到，食店入面得大約五張枱，必須搭枱，而服務方面雖然落單既人木口木面咁，但不能奢求甚麼服務既，主要係為左食物先嚟。牛爽腩河 ($45)
食牛腩最好當然係叫爽腩，好多人唔知爽腩係咩，其實即係崩沙腩，係位於牛肚腩，近橫隔膜既位置，較一般牛腩更為罕有。爽腩顧名思義，食落確實係比一般牛腩更為爽口，肉質嫩滑，腍得嚟唔會無左肉既應有質感，完全唔chewy！而呢碗湯底亦都係做得好，望落有少少油，全因用上五十幾斤牛骨熬成，飲落濃稠漿口，牛味幾香濃。河粉唔會太腍亦唔會太碎，幾有口感。爽腩質素好，相信可能係因為攞既貨源夠靚夠新鮮。我鍾意呢度既爽腩，食物質素高難怪連周潤發，譚校長同國際名廚Anthony Bourdain 都嚟過呢間小店食，亦不枉我用左成3個鐘來回車程先嚟到食。牛腩，唔止係上左年紀既人喜歡食，我呢位90後都好鍾意食架！喜歡小店既原因，係因為好多都唔似某部分連鎖集團只為賺錢而喺食材方面偷工減料或者入次等貨，唔少小店既食物係真才實料，食店要成功，要靠食物先留住客人既心，食物要做好食先至留到同吸引到客人，呢間絕對用食物打動到我，所以我會繼續嚟呢間食店同埋繼續支持其他小店。
張貼
