大師傅粥品 (金昌摟)

營業中

休息中

一早起身，食早餐想食碗粥，附近都無乜選擇就去咗呢間大師傅粥店。一入去舖頭唔係大，店員服務都唔係好。分別叫咗一碗皮蛋瘦肉粥，一碗魚片粥同一碟鮮蝦腸粉。先講腸粉，一嚟到唔係熱嘅，應該都係整完擺係到保暖住然後攞出嚟嘅啫。表面非常之乾，佢落嘅豉油有少少果皮味咁，個人就唔係太鐘意。另外，皮蛋瘦肉粥裡面皮蛋嘅感覺又係唔新鮮咁，有點臭，挑起哂無食到。但粥底就無乜問題嘅，肉片同魚片都只係普普通通，魚片就仲有少少碎骨。綜合嚟講係唔好食，所以下次都唔會選擇返呢一間粥店。