影片
更多
2022-01-03
2420 瀏覽
實在太嬲😡，所以一有時間即刻打警世文！希望大家去呢間酒樓要三思🧠🚫。TLDR既請睇title‼️12月31號同同事去飲茶，明白今日都多人飲茶，侍應會好忙，但等左一陣，最尾3個同事一齊舉手示意先等到先有人接我地張點心紙🙂。大約12:40左右落單，中途都催過2次，13:13先有3籠點心，陸續到13:31先上埋xo醬炒腸粉同魷魚鬚。仲有個椒鹽豆腐未黎🙂，侍應話出緊啦。有同事等唔切已經返左office先😓。當我夾左幾條腸粉，食完第一條準備食第二條嗰時，見到好似有啲野，望真啲係隻小曱甴🤬‼️即刻又舉手叫侍應黎，又舉左一陣先有人理，嗰位staff A(事後聽好似係做倉庫，唔夠人先出黎幫手)拎左我隻碗走左去，跟住等左一陣又無人理🙂。椒鹽豆腐仲未有影就叫人取消，想埋單走人。個staff A之後返黎話幫我地取消(應該意指取消腸粉)。等埋單又等左一陣，然後staff B(應該姓蔡)同前面一枱客吹左下水先施施然行黎俾單我地睇。同事一睇張單仲有豆腐同腸粉無取消，加上侍應既態度同速度已經令我地好燥底。有曱甴既事完全無人道歉，或者follow-up，淨係換左隻碗想扮無事🙂。我地即刻同蔡小姐講，蔡小姐表示佢唔知，唔需要
12月31號同同事去飲茶，明白今日都多人飲茶，侍應會好忙，但等左一陣，最尾3個同事一齊舉手示意先等到先有人接我地張點心紙🙂。
大約12:40左右落單，中途都催過2次，13:13先有3籠點心，陸續到13:31先上埋xo醬炒腸粉同魷魚鬚。仲有個椒鹽豆腐未黎🙂，侍應話出緊啦。有同事等唔切已經返左office先😓。
當我夾左幾條腸粉，食完第一條準備食第二條嗰時，見到好似有啲野，望真啲係隻小曱甴🤬‼️即刻又舉手叫侍應黎，又舉左一陣先有人理，嗰位staff A(事後聽好似係做倉庫，唔夠人先出黎幫手)拎左我隻碗走左去，跟住等左一陣又無人理🙂。椒鹽豆腐仲未有影就叫人取消，想埋單走人。個staff A之後返黎話幫我地取消(應該意指取消腸粉)。
等埋單又等左一陣，然後staff B(應該姓蔡)同前面一枱客吹左下水先施施然行黎俾單我地睇。同事一睇張單仲有豆腐同腸粉無取消，加上侍應既態度同速度已經令我地好燥底。有曱甴既事完全無人道歉，或者follow-up，淨係換左隻碗想扮無事🙂。我地即刻同蔡小姐講，蔡小姐表示佢唔知，唔需要受我地氣，叫我地直接搵經理，然後就走左去。
我地坐多左一陣都唔見經理。嗰時已經差唔多2點，唔想再等所以直接出去收銀搵經理。經理再出單睇都係無取消2樣野，佢聲稱完全唔知咩事，亦無諗住理我地。後來有另一個男經理(?)有認真聽，再叫左店長May姐同收我碗野既staff A出黎。
店長開頭都好聲氣，話蔡小姐態度係咁，我地一頭問號。服務係咁西就老馮唔使做？第一次聽叫客自己去搵經理。店長話做番個六折同免茶芥(但仲有12%服務費😁)。擾攘完一輪最後free左，但店長係即刻勁大聲講「多謝兩位靚女光臨！歡迎下次光臨！三鞠躬俾你！」blablabla，聽到呆左！乜野三鞠躬？可能覺得我地係R免費飯食做西客，所以特登講大聲啲想俾人知🙂。
好老實講如果普通酒樓，都知道總係有啲污糟，free左呢碟，講聲唔好意思我都無問題。依間係上菜慢，staff態度又差，完全想扮無事發生🤬🤬🤬。
張貼
