一品南記

營業中

休息中

今晚城門河上練龍，活動前約咗隊友食個靚粥，嘆個腸粉，仲有雲吞麵。位於河畔花園交通城附近的《一品南記》是我們常常光顧嘅粥品店。店內地方企理乾淨，擺設歸一，部份是泊牆座位，仲有幾張小圓枱。跟餐都抵食，一個粥一個腸粉⋯⋯艇仔碎牛粥配炸両~足料艇仔有水魷魚、豬皮、花生等等，碎牛是地道粥舖好受歡迎配料之一。炸両軟滑腸粉捲着香脆油炸鬼，沾滿甜醬麻醬美味無比。芥菜蝦滑肉丸粥配豉油皇炒麵~生滾粥是這店招牌食品，即叫即滾，粥底夠綿，肉丸彈牙，加入蝦肉更滋味，配合芥菜，食粥食埋菜，好健康。下午茶餐雲吞麵可以配飲品~雲吞皮薄餡靚，麵底夠爽。凍奶茶~ 呢個調教得唔錯；豆漿~採用本地製造支裝豆漿，方便衞生，飲唔曬可以拎走。