鴻福堂 (已搬遷) 新店位置

大約有一個月時間冇去鴻福堂換🐢苓膏，見最近多食熱氣野，於是攞券去換番隻清清熱，誰有知個店員只係俾糖漿同膠匙我，我呆一呆，佢話自1/6起，公司規定每個膠袋要$1，我即時😡有冇攪錯，隻🐢苓膏濕淋淋，痴lup lup, 叫人就咁拎番屋企，要膠袋要收$1，我揾哂成個袋都冇膠袋，唯有死死地氣俾$1，因為我要搭車先返到屋企，冇可能咁樣拎番去。點知職員攞個鬼咁大既膠袋出來，我話有冇細既，可以收平啲，收$0.5，佢話只得一個size。😣我建議呢個公司設堂座，咁咪咩都可慳囉！食水太深，一個普通膠袋收$1！換哂啲券，真係要揾下有冇其他選擇。