海鱻城

營業中

休息中

海鱻城， 一聽個名就知道係食海鮮㗎啦，冇奶油唔叫海鮮。我叫咗大閘蟹，龍蝦伊麵，鮑魚，仲有燒鵝。 酒樓咁嘅樣，坐得好舒服，晚市最啱一家大細嚟食。脆皮燒鵝真心唔錯，外脆內嫩，而且唔算太多肥膏，啖啖肉好正。椒鹽五頭南非鮑魚， 通常我鍾意清蒸，再淋啲蒜蔥豉油。呢隻椒鹽煮法都幾好， 另一番風味，唔錯。 完全唔會over cook。 而龍蝦伊麵大大啖肉。 鹽焗奄仔蟹，好多膏， 金黃色㗎， 係金黃色㗎， 好甘醇。讚～真係膽固醇超標都要嚟食一餐，呢個奄仔蟹超高水準。 我見好多枱都點奄仔蟹同埋燒鵝，真心推介👍🏻👍🏻👍🏻呢餐食得好滿意。