憶食尚臘味煲仔飯 (已結業)

呢排食得西餐牛扒多, 想轉下食中餐, 朋友之前食過幾好食, 今次就帶埋我一齊去食"憶食尚臘味煲仔飯"。 🔸手工黃金麵🔸麵條薄薄煎到兩面金黃色, 外面好香脆, 配埋甜甜酸酸既醬汁好開胃。🔸霸皇蔥油雞🔸沒有過多既肥膏, 肉質嫩滑, 連蔥食好好味。🔸板鴨蘿蔔煲🔸臘鴨煮蘿蔔絲, 可以連湯飲, 臘鴨好香味道濃郁。🔸XO醬飽魚伴麵🔸雖然係就咁用XO醬撈麵, 但係個XO醬已經好夠味, 有好多蝦米同干貝, 夠惹味但又唔會太辣, 好味推介👍🔸雙味臘腸貝殼包🔸係懷舊臘腸包, 而家好少地方有得食, 雙味係有原味同辣味, 個辣味好濃五香味, 臘腸亦肥瘦剛好。🔸薏米水🔸炎炎夏日飲啲酸酸甜甜勁開胃解膩, 薏米仲可以袪濕添。🔸御髮善粥🔸呢個甜品好似紫米粥咁, 唔會太甜剛剛好。食物質素味道都幾好, 呢排天氣太熱唔想食煲仔飯, 下次試下先💕